МТС Дьокуускайга 5G холбоото
МТС Дьокуускайга 5G холбоото СӨ Инновацияҕа, сыыппара сайдыытыгар уонна инфокоммуникационнай технологияларга миниистирэ Петр Николаев 5G бэһис көлүөнэ ситимин киин куоракка холбоммутун туһунан иһитиннэрдэ. 5G ситим Дьокуускай куорат хас да оройуонугар номнуо баар: аэропорт аттыгар, 172-с кыбаартал саҥа олорор комплекстарыгар, СО РАН Ирбэт тоҥ институтугар, Сэргэлээх суолун оройуонугар, ону тэҥэ Автодорожнай, Гагаринскай, Сайсары уонна да атын уокуруктарга оҥорон таһаарар былаһааккаларга. «Дьокуускайга 5G холбооһун — өрөспүүбүлүкэ телекоммуникационнай инфраструктуратын сайыннарыыга дьоһун хардыы. Сибээс саҥа көлүөнэтэ олохтоохторго эрэ буолбакка, экэниэмикэҕэ эмиэ эбии кыаҕы арыйар: бырамыысыланнаска, куорат инфраструктуратыгар, сыыппара сервистэригэр, маллар интернеттэригэр уонна автоматизация аныгы технологияларыгар. Биһиэхэ Саха сирэ бэйэтин сирин-уотун уонна килиимэтин уратытын учуоттаан, аныгы технологическай быһаарыылары бастакылар ортолоругар олоххо киллэрэрэ суолталаах. МТС сибээс инфраструктуратын сайыннарыыга утумнаах үлэтин уонна инвестицияларын иһин махтанабын», — диэн Петр Николаев бэлиэтээтэ. Хаартыска: СӨ Инновацияҕа, сыыппара сайдыытыгар уонна инфокоммуникационнай технологияларга министиэристибэтэ https://nvk-online.ru/mts-dokuuskajga-5g-holbooto/