🤩👏🏻Төҥүлүгэ «Учуутал уонна үөрэнээччи» скверэ арылынна
🤩👏🏻Төҥүлүгэ «Учуутал уонна үөрэнээччи» скверэ арылынна Алтынньы 5 күнүгэр Мэҥэ Хаҥалас улууһун Төҥүлү нэһилиэгэр 2023 сыллаахха нэһилиэнньэ куоластааһынын түмүгүнэн «Тупсаҕай эйгэлээх куораты тэрийии» федеральнай бырагырааманан тутуллубут «Учуутал уонна үөрэнээччи» скверин үөрүүлээх арыллыыта буолла. Бу эбийиэк Төҥүлү нэһилиэгэр үөрэхтээһин тэриллибитэ 120 сылыгар ананар. «Учуутал уонна үөрэнээччи» скверин сүрүн уратытынан урукку оскуола тыыныгар, дириҥ устуоруйатыгар олоҕуран оҥоһуллубута буолар. 2024 сыллаахха, «Тимир-строй» ХЭТ олохтоох көҕүлээһиннэри өйүүр бырагырааманан урукку оскуола оннун ыраастаан, 2025 сылтан үлэ маҥнайгы түһүмэҕин ыыппыта. Онтон быйыл «ПИК» ХЭУо үлэни түмүктээтэ. Бу туһунан улуус дьаһалтатын пресс-сулууспата иһитиннэрэр.