📺Бастакы эпиирим: Индира Софронова
📺Бастакы эпиирим: Индира Софронова Бүгүн Саха сиригэр телевидение күнүнэн биһиги «Саха» НКИХ ыытааччыларыттан бастакы эпиирдэрэ хайдах ааспытын туһунан кылгас ыйытык ыллыбыт. Ол курдук, Индира Софронова 2006 сыллаахха «Куйаар дуорааныгар» араадьыйаҕа үлэлээн саҕалаабыт. Ол саҕана интернет суох этэ. Сүтэрсибит дьону көрсүһүннэрэр «Эрэли кытта» биэриитигэр олус элбэх киһи көрсүспүтүн ыытааччы бэлиэтиир. Индира күөх экраҥҥа аан бастаан 2016 сылга «Саҥа күн» биэриигэ тахсыбыт. Геялыын атастаһа сылдьан сарсыарда тэлэбиисэргэ, киэһэ араадьыйаҕа эпиирдии сылдьыбыттар. Бу сылларга Индира «Үчүгэйиэн бу сиргэ», кэлин «Эн сулускун», «Үрдэл» биэриилэри ыыта сылдьыбыт. Саҥа айар дьылга Индира тэлэбиисэргэ «Күбэйэ» ийэлэргэ аналлаах биэриини ыытан саҕалаата.