Сунтаарга саҥа спортивнай-байыаннай комплекс арылынна
Сунтаарга саҥа спортивнай-байыаннай комплекс арылынна Сунтаардааҕы 2-с нүөмэрдээх оскуола тиэргэнигэр улахан бырайыак ситиһиилээхтик олоххо киирэн, саҥа спортивнай-байыаннай комплекс арылынна. Бу суолталаах эбийиэк улуус дьаһалтатын кытта биир ситимнээх үлэ, анал бырагыраама көмөтө уонна үөрэнээччилэр бэйэлэрин көҕүлээһиннэрин түмүгүнэн тутулунна. Саҥа комплекс арыллыыта үөрэнээччилэр эт-сиин өттүнэн сайдалларыгар, сымса уонна уустук моһоллору туоруур тулуурдаах буолалларыгар күүстээх тирэҕинэн буолуоҕа. Ону таһынан, маннык эрчиллиилэр оҕолору байыаннай-патриотическай тыыҥҥа иитэргэ, Ийэ дойдуну көмүскүүргэ бэлэмнииргэ улахан төһүү күүһүнэн буолаллара саарбахтаммат. Бэйэлэрин бырайыактара олоххо киирбитэ оҕолор инникитин өссө улахан былааннары оҥороллоругар уонна уопсастыба олоҕор көхтөөхтүк кытталларыгар улахан кынаты биэриэҕэ. Комплекс арыллыытын үөрүүлээх тэрээһинигэр оскуола коллектива, үөрэнээччилэр, төрөппүттэр уонна дьаһалта бэрэстэбиитэллэрэ кытыннылар. Саҥа комплекс моһоллорун маҥнайгынан үөрэнээччилэр бэйэлэрэ ааһан, бэртээхэй бэлэмнээхтэрин уонна сатабылларын көрдөрдүлэр. Спортивнай-байыаннай комплекс тутуллуута Сунтаар 2-с нүөмэрдээх оскуолатын эрэ буолбакка, бүтүн улуус үөрэҕин уонна спордун эйгэтэ сайдарыгар улахан хардыынан буолар!