Саха сирин хаһаайыстыбалара кыһыҥҥы аһылыгынан толору хааччыллыбыттар
Саха сирин хаһаайыстыбалара кыһыҥҥы аһылыгынан толору хааччыллыбыттар Өрөспүүбүлүкэ сүөһү иитиитинэн дьарыктанар хаһаайыстыбалара кыһыҥҥы кэмҥэ аһылыгынан толору хааччылыннылар: кэлэр кыстыкка от уопсай кээмэйэ 415 тыһыынча туоннаҕа тэҥнэстэ. Бу туһунан Ил Дархан Айсен Николаевка от бэлэмнээһинин уонна хомуур хампаанньатын түмүктэринэн ыытыллыбыт сүбэ мунньахха СӨ Бырабыыталыстыбатын Бэрэссэдээтэлин солбуйааччы Сергей Местников иһитиннэрдэ. «Быйыл, уустуктар баалларын да үрдүнэн, 403,7 тыһыынча туонна от былаана 98% туолла: ходуһа сирин 344,1 тыһыынча гектары охсон, 396,2 тыһыынча туонна оту чөкөттүбүт, ол иһигэр ыраах учаастактарга мобильнай биригээдэлэр 21,6 тыһыынча туоннаны бэлэмнээтилэр. Ааспыт сылтан хаалбыт 18,8 тыһыынча туонна оту учуоттаан, кэлэр кыстыкка от уопсай кээмэйэ 415 тыһыынча туоннаҕа тэҥнэһиэҕэ, бу былаантан 101% буолар», — диэн СӨ вице-премьерэ чопчулаата. https://nvk-online.ru/saha-sirin-ha-aajystybalara-ky-y-y-a-ylygynan-toloru-haachchyllybyttar/ Хаартыска: Андрей Сорокин / СИА