🏆🤩✊Мэҥэ Хаҥалас уһуйааннарын ортолоругар дьиэ кэргэнинэн спортивнай күрэх ыытылынна
🏆🤩✊Мэҥэ Хаҥалас уһуйааннарын ортолоругар дьиэ кэргэнинэн спортивнай күрэх ыытылынна Мэҥэ Хаҥалас уһуйааннарын кустовой методическай холбоһуктарын кыайыылаахтарын икки ардыларыгар «Ийэм, аҕам уонна мин – спорду өрө тутар дьиэ кэргэн» диэн күрэхтэһии Хара нэһилиэгэр буолан ааста. Күрэхтэһиигэ 6 хамаанда кыттыыны ылла. Уопсайа 8 көрүҥүнэн ыытылынна. Ол курдук, дьиэ кэргэттэр бэйэни билиһиннэриигэ, уһуну ыстаныыга, аҕалар сиртэн тирэнэн анньыныыга, ийэлэр уонна оҕолор пресс хачайдааһыныгар, сыалы таба быраҕыыга, скакалканан ыстаныыга, ыйытыыларга хоруйдааһыҥҥа уонна обручтаах эстафетаҕа илин-кэлин түһүстүлэр. Тыҥааһыннаах киирсии түмүгүнэн, бастакы миэстэни Харатааҕы «Кэрэчээн» уһуйааныттан Баишевтар дьиэ кэргэн ылары ситистилэр, оттон иккис миэстэни — Майатааҕы «Кэнчээри» оҕону сайыннарар кииниттэн Новгородовтар, үһүс миэстэни — Аллараа Бэстээх «Солнышко» уһуйааныттан Сергучевтар.