Өрөспүүбүлүкэ 2027 сыллааҕы бүддьүөтэ бастакы ааҕыыга ылылынна
Өрөспүүбүлүкэ 2027 сыллааҕы бүддьүөтэ бастакы ааҕыыга ылылынна Алтынньы 21 күнүгэр Ил Түмэн пленарнай мунньаҕар Саха Өрөспүүбүлүкэтин 2027 сыллааҕы судаарыстыбаннай бүддьүөтүн уонна 2028-2029 сыллардааҕы былааннаммыт бүддьүөтүн ылыннылар. Кэлэр сылга 337,6 млрд солк кээмэйдээх дохуот былааннанна, дефицит – 2,7 млрд солк. Бу туһунан Ил Түмэн пресс-сулууспата иһитиннэрэр. «Бүддьүөт хаамыыта олус уустук. Судаарыстыбаннай мунньах үлэтин маҥнайгы күнүгэр бастакы ааҕыыга бүддьүөт ылылынна. Бастакы ааҕыыга дохуот уонна ороскуот көрдөрүүлэрэ былырыыҥҥытааҕар биллэн турар ордуктар. Холобур, коммунальнай хаһаайыстыба салаатыгар кэнники сылларга аан бастаан толору ирдэнэр сууманы — 56 млрд. солк. — анаатыбыт», — диэн Ил Түмэн Бэрэссэдээтэлэ Алексей Еремеев бэлиэтээтэ. Еремеев бэлиэтээбитинэн, бүддьүөт хаамыытын чэрчитинэн, иккис ааҕыыга дохуот чааһа федеральнай бүддьүөттэн грант, субвенция, субсидия, атын да киирии көрүҥүнэн улаатыахтаах.