👏Ботулууга саҥа быраас амбулаторията арылынна
👏Ботулууга саҥа быраас амбулаторията арылынна Үөһээ Бүлүү улууһун Ботулуу сэлиэнньэтигэр саҥа быраас амбулаторията арылынна. Алтынньы 22 күнүгэр «Уһун уонна көхтөөх олох» диэн федеральнай бырагырааманан тутуллубут эбийиэк арыллыыта буолла. Дьокуускай куораттан Ил Дархан Айсен Николаев, Бырабыыталыстыба Бэрэссэдээтэлин солбуйааччы Георгий Степанов уонна Доруобуйа харыстабылын миниистирэ Лена Афанасьева быһа эпииргэ тахсан, биир кэмҥэ өроспүүбүлүкэ араас улуустарыгар тутуллубут биэс саҥа модульнай амбулатория үлэҕэ киирэрин биллэрбиттэрэ. Ботулуу сэлиэнньэтигэр саҥа эбийиэк 1959 сыллаах дьиэ оннугар тутулунна. Аны билигин олохтоохтор аныгы, сылаас, тупсаҕай дьиэҕэ көрдөрөр, эмтэнэр буоллулар. Боотулууга амбулаторияны тутуу быйыл бэс ыйыгар саҕаламмыта, бэдэрээтчит «ВИМ Строй» ХЭТ кылгас кэм иһигэр үрдүк хаачыстыбалаах үлэни оҥордо. Барыта балыыһа тутуутугар 19 мөл. 296 тыһ. солкуобай федеральнай бүддьүөттэн үп көрүллүбүтэ.