🤩👏🏻КЫАЙДЫБЫТ: «ТООКУ УОННА ЧЫСХААН» ОЙУУЛУК ТЭФИ-КИДС 2026 БИРИЭМИЙЭ КЫАЙЫЫЛААҔА БУО...
🤩👏🏻КЫАЙДЫБЫТ: «ТООКУ УОННА ЧЫСХААН» ОЙУУЛУК ТЭФИ-КИДС 2026 БИРИЭМИЙЭ КЫАЙЫЫЛААҔА БУОЛЛА! Алтынньы 26 күнүгэр Москваҕа Et Cetera тыйаатырга 8-с төгүлүн ыытыллар бүтүн Россиятааҕы ТЭФИ-КИДС 2026 национальнай бириэмийэ кыайыылаахтарын чиэстиир үөрүүлээх тэрээһин ыытылынна. «Саха» национальнай көрдөрөр-иһитиннэрэр хампаанньа толору кээмэйдээх ойуулуга «Тооку уонна Чысхаан» ТЭФИ-КИДС 2026 национальнай бириэмийэ «Лучший анимационный фильм для детей» анал аакка кыайыылааҕынан таҕыста. Бириэмийэни үөрүүлээх быһыыга-майгыга «Тооку уонна Чысхаан» ойуулук продюсера, «Тооку» ханаал шеф-редактора Анна Кириллинаҕа уонна «Тооку уонна Чысхаан» режиссера Виктория Кейметиноваҕа туттардылар. Саха ойуулуга «Мульт» ханаал «Геройчики. Незваный гость» бырайыагын уонна СТВ хампаанньа «Маракуда» үлэтин кытта күрэхтэстэ. «Тооку» оҕо ханаалын улахан ситиһиитинэн эҕэрдэлиибит уонна өссө да үүнэ-сайда, үрдүктэн үрдүк үрдэллэри дабайа турарыгар баҕарабыт!