⚡️Өлүөнэ муостатыгар бастакы коффедрамы түһэрдилэр — 3 июня 2026 г. в 05:27:01.174
⚡️Өлүөнэ муостатыгар бастакы коффедрамы түһэрдилэр Бүгүн сарсыарда эрдэ Өлүөнэ өрүс сүнньүгэр муоста атахтарын үйэлиир 17 м үрдүктээх бастакы коффердамы түһэрдилэр. Баараҕай оҥоһуугу 4800 күүстээх үс буксиртан иккитэ инниттэн состо, биирэ кэнниттн аста. Оттон коффердам бэйэтэ 2 тыһ. тахса туонна ыйааһыннаах уонна биэс мэндиэмэннээх дьиэ саҕа үрдүктээх. Оҥоһугу арҕаа туһаайыынан утары кытылтан 2300 миэтэрэ тэйиччи дьаакырдарынан таттаран ууга түһэрдилэр. Салгыы коффердамы туһанан өрүс түгэҕин дириҥэтиэхтэрэ. Ол кэннэ тимир оҥоһугу уҥа кытылтан быһа холуйан 300 м тэйиччи илдьэн, улахан күргэ пилонун тирэҕин оҥоруохтара. Үлэҕэ 120-тэн тахса киһи кытынна. Уу флотун ааллара үлэлээтилэр. Өлүөнэ муостата Россия бэрэсидьиэнэ Владимир Путин сорудаҕынан тутуллар уонна «Инфраструктура для жизни» национальнай бырайыакка киирэр.