Тойон Бооккой аатыгар - "Тыа сирэ-олох уйгута" күрэх
Тойон Бооккой аатыгар - "Тыа сирэ-олох уйгута" күрэх Малдьаҕар нэһилиэгин «Уруйдан, үрүҥ тунах ыһыах!» чэрчитинэн Ыстапаан Баһылайап аатынан совхоз Малдьаҕардааҕы отделениятын сылгыны иитиигэ Маастара, сылгы, сүөһү биригэдьииринэн ситиһиилээхтик үлэлээбит, сатабыллаах салайааччы, тэрийээччи Васильев Прокопий Гаврильевич - Тойон Бооккой төрөөбүтэ 100 сылыгар анаан "Тыа сирэ-олох уйгута" диэн ааттаах саха омук төрүт дьарыгын илдьэ сылдьар тыа дьахталларын сатабылларыгар күрэх буолла. Прокопий Васильев 14 сааһыттан улахан дьону кытта колхоз үлэтигэр үлэлээн саҕалаабыта. 21 сааһыттан сылгыһыттаабыта, сотору кэминэн биригэдьиир буолбута. Үрдүк көрдөрүүнү ылары ситиһэн Алта сыл субуруччу кулунунан бириэмийэлэммитэ. 1956 сыллаахха Саха АССР Үрдүкү Сэбиэтин Бочуотунай грамотатынан наҕараадаламмыта. Үлэлиирин тухары сылгы боруодатын тупсарыыга элбэх үлэни оҥороро. Кини үтүө аатын үйэтитэр уонна сүөһүлээх-астаах тыа дьахталларын өрө тутар, сырдатар сыалтан оҕолоро, сиэннэрэ, аймахтара “Тыа сирэ – олох уйгута” күрэҕин бириис олохтоон тэрийэн ыыттыбыт. Сиһилии манна ааҕыҥ ⬇️⬇️⬇️ https://lib.nrbr.ru/tojon-bookkoj-aatygar-tya-sire-oloh-ujguta