Федот Сафронов аатынан Ньурбатааҕы киин бибилэтиэкэҕэ Саха АССР үтүөлээх артыыһа Спарта...
Федот Сафронов аатынан Ньурбатааҕы киин бибилэтиэкэҕэ Саха АССР үтүөлээх артыыһа Спартак Иванович Слепцов төрөөбүтэ 90 сылыгар анаан оҕолоро, сиэннэрэ “Чаҕылыйа сырдыы сылдьан” диэн кинигэни сүрэхтээтилэр. Кинигэ ааптарынан Татьяна Сидорова уонна Спартак Слепцов оҕолоро, сиэннэрэ бары көмөлөөн, сыралаах үлэлэрин үтүө түмүгэ буолар. Спартак Иванович Слепцов Ньурба тыйаатырыгар уһун кэмҥэ сүрүн режиссерунан үлэлээбит, Ньурба улууһун култуурата сайдыытыгар сүҥкэн кылааты киллэрбит, ньурбалар ытыктыыр уонна убаастыыр киһибит. Спартак Иванович Слепцов Ньурба тыйаатырыгар оҥорбут үтүөлэрэ, төрөтөн таһаарбыт испэктээктэрэ көмүс буукубаларынан суруллан хаалыахтара, кини сырдык аатын үйэтитии кэнэҕэһин да салҕана туруо. Ньурба улууһун дьаһалтатын пресс-сулууспата.