Саха Республикатын наукатын үтүөлээх деятелэ, история наукатын доктора, профессор Екате...
Саха Республикатын наукатын үтүөлээх деятелэ, история наукатын доктора, профессор Екатерина Назаровна Романова бу Орто дойдуттан барбыт хомолтолоох сураҕа биһигини барыбытын хараастыыга кууста. Ньурба улууһун култууратын уонна ыччат политикатын эйгэтигэр Екатерина Назаровна “Кумысный праздник нюрбинских якутов: имиджевый ресурс” монография тахсыытыгар үлэлэспит кэмнэрин сүрэххэ-дууһаҕа өрүү илдьэ сылдьыахпыт. Саха сирин наукатын, култууратын сайдыытыгар, эдэр ыччат үөрэхтэниитигэр, саха омугун историятын, фольклорун, этнографиятын чинчийиигэ, тарҕатыыга олоҕун анаабыт, сүҥкэн кылааты киллэрбит уһулуччулаах учуонай Екатерина Назаровна мындыр сүбэтинэн, билиитин-көрүүтүн үллэстээһининэн Ньурба сирэ ааспыт үйэлэртэн илдьэ сылдьар Кымыс иһиитин ытык сиэрэ-туома саха норуотун билиитигэр кинигэ буолан тахсыыта барыбыт кыайыыта этэ. Кини бэйэтин үтүө холобурунан, киэҥ билиитинэн-көрүүтүнэн, үлэһит дьоҕурунан, дьоҥҥо-сэргэҕэ сыһыанынан биһиэхэ сырдык эрэ өйдөбүлү хаалларда. Екатерина Романова үтүөкэннээх научнай үлэлэрэ, кинигэлэрэ, ыстатыйалара Саха сирин таһынан Арассыыйаҕа уонна аан дойдуга билинэллэр, норуотун иннигэр үлэтэ кэлэр үйэлэргэ тиийиэ, саха омук туһунан кэпсии сылдьыа. Саха сирин киэн туттуута Романова Екатерина Назаровна үлэтэ-хамнаһа Сахабыт норуотун өйүгэр-санаатыгар үйэлэргэ умнуллубаттыы иҥэн хаалыаҕа. Екатерина Назаровна Романова чугас дьонугар-сэргэтиг эр, аймахтарыгар, үөлээннээхтэригэр уонна Саха сирин наукатын эйгэтин уопсастыбаннаһыгар дириҥ хомолтобутун тиэрдэбит. Кини сырдык мөссүөнэ, үтүө аата биһиги сүрэхпитигэр куруук тыыннаах буолуоҕа. Ытыктабылы кытта, Ньурба улууһун култуураҕа уонна ыччат политикатыгар Департамена