Куһуҥҥү кинигэ ардаҕа.
Куһуҥҥү кинигэ ардаҕа. Алтынньы ый 2 күнүгэр Н. Харитонов – Чуор аатынан «Кыталык» култуура киинигэр кырдьаҕас көлүөнэҕэ аналлаах дьоро күн тэриллэн ааста. Маннык истиҥ, сылаас тыыннаах бырааһынньыкка, сааһырбыт дьон ытыктабыллаах кэккэтигэр сүгүрүйэн туран, Ф.Г. Сафронов аатынан Ньурбатааҕы киин модельнай бибилэтиэкэ үлэһиттэрэ кыттыстылар. Кинилэр «Куһуҥҥү кинигэ ардаҕа» - буккроссинг — «кинигэни босхо ыыт» диэн ааттаах аахсыйаны тэрийдилэр. Саастаах дьон, кинигэни кытта эдэр саастара ааспыт, олохторун кэрчиктэрэ ситимнэспит дьон, бу күн оҕолуу үөрдүлэр. Сорохтор, уһуну-киэҥи толкуйдуу барбакка, сөбүлүүр суруйааччыларын айымньыларын көтөҕүнэн, сорохтор биирдиилээн-иккилээн кинигэни талан, ол онтон дьоллонон, үөрүүлэрэ үрдээн, харахтара чаҕылыһан тарҕастылар. Кинилэр дьиэтээҕи долбуурдарыгар ууруллан, ааҕыллыбыт, ол эрэн «кытаанахтык тутуллар», ааҕарга наадыйбат кинигэлэрин аҕалан, библиотекаҕа бэлэх уунуох буоллулар. Көрдөөх тургутукка бары кыттааччылар харахтара уоттанан, эдэр саастарын эрчимин эргитэн ылбыттыы, эдэрдии эрчимирэн араас боппуруостарга сороҕор сыыһа-халты, сороҕор чопчу эппиэттэһэн минньигэс бэлэхтэри туттулар, саамай элбэх сөп эппиэтттэх ыалдьыт кинигэ бэлэх тутан махталлаах буолла. Сиһилии⬇️⬇️⬇️ https://vk.ru/wall-217166169_1863