Тэрилтэ инники сайдыыта кини эдэр көлүөнэ үлэһиттэриттэн олус тутулуктаах. Ыччаты дьан... — 11 июня 2026 г. в 12:19:34.748
Тэрилтэ инники сайдыыта кини эдэр көлүөнэ үлэһиттэриттэн олус тутулуктаах. Ыччаты дьаныардаахтык бэлэмнээҺин, үлэ үөрүйэхтэригэр үөрэтии, идэҕэ бэриниилээх буолууга уһуйуу салалта биир сүрүн соруга. Ньурбатааҕы ДИПИгэ анал үөрэҕи бүтэрэн саҥа үлэлээн эрэр үлэһит суоҕун кэриэтэ эрээри, бүгүн социальнай үлэһит идэлээх күнүн көрсө 2023 сылтан кыаммат кыһалаҕалаах дьону көрөр-истэр интэринээт дьиэҕэ маҥнайгы хардыыларын оҥоро сылдьар Семенова Кэрэчээнэ Владимировна туһунан кэпсиир тоҕоостоох. Кэрэчээнэ алын сүһүөх медперсонал быһыытынан үһүс сылын үлэлиир. Алын сүһүөх медперсонал диэн бу интэринээт дьиэ олохтоохторун кытта быһаччы алтыһар сүрдээх уустук соруктаах дьон буолаллар - кыаммат дьон илиилэрэ-атахтара, көрөр харахтара, истэр кулгаахтара, тас эйгэни кытта алтыһар ситимнэрэ кинилэр. Бу уустук идэни талбыттарга ирдэбил кытаанах - биир бэйэлэрэ омуна суох биэс идэни баһылыахтаахтар медиктан саҕалаан психологка тиийэ, аны күүс-күдэх өттүнэн бэлэмнээх буолуу туспа сорук. Кэрэчээнэ Семенова идэтин ирдэбиллэрин баһылыы сатыыр үтүө өрүттээх. Сатабыллаах коллегаларыттан элбэххэ үөрэнэр, бэйэтэ сатыырын хайаан да үллэстэр, билиитин хаҥатан быйыл юрист дипломун ылары ситистэ, инники былааннара элбэх. Тус олоҕор тапталлаах эдэр ыал ийэтэ, саха фольклорун сэҥээрэр айар куттаах киһи, уопсастыбаннай үлэттэн туора турбат ыччат. Кэскиллээх коллегабытын социальнай эйгэ үлэһиттэрин күнүнэн эҕэрдэлиибит уонна туруоруммут сыалын ситиһэригэр баҕарабыт! #ДеньСоцработника #молодойспециалист #юбилейДИПИ