Бэс ыйын 20-21 күннэригэр Сахабыт сирин эстрадатын сулустара Дора Бурнашева, Ирена Файр... — 21 июня 2026 г. в 00:38:07.611
Бэс ыйын 20-21 күннэригэр Сахабыт сирин эстрадатын сулустара Дора Бурнашева, Ирена Файрушина, Айсен Аммосов интэринээт-дьиэ олохтоохторугар Ыһыах салгынынан сайан бэртээхэй кэнсиэри бэлэх ууннулар. Тэтимнээх ырыаларга астына үҥкүүлээн, билэр ырыаларбытын тэҥҥэ ыллаһан чахчы астына Кыталыктаахха сылдьыбыт тэҥэ сананныбыт. Махталларын бэлиэтэ Валентина Христофорова ырыаһыттарга алгыһын анаата, Евдокия Никифорова "Хомустаах уолу" - Айсен Аммосовы хайҕаан хат ыллатта, Егор Степанов, Василий Петров ырыалары билэллэринэн Ирена Файрушинаны сөхтөрдүлэр. Эбиитин Бордоҥ баһылыга Степанов П.Ю. ветераннарга кымыс бэлэх ыытан соһуччу үөрүү буолла. Бордоҥнорго махтал! Ырыаһыттарга айхал! Үөрбүччэ-көппүччэ ДИПИ үбүлүөйүн көрсө оҥоһуллубут өйдөбүнньүктэри ыалдьыттарбытыгар эр-биир туттартаан санаабыт ситтэ. Бүгүҥҥү күнү Таисия Никифорова хоһоонунан хоһуйбутугар толору сөпсөһөбүт. Туруҥ, туруҥ, туруҥ! Үтүө күммүт үөрэ көрдө! Ыһыах күнүн, алгыы тыкта! Мичил үөрэ оонньооҥ диэтэ! Айыыларга чугаһаан Үөһээ халлаан ситиминэн Айыы сирин алгыһынан Ыллааҥ-туойуҥ, үөрүҥ- көтүҥ! #юбилейДИПИ #ысыах2026 #концерт