2026 сыл Саха сиригэр култуура сылынан биллэриллибитэ. Биһиги интэринээт-дьиэбитигэр ку... — 2 августа 2026 г. в 04:19:42.021
2026 сыл Саха сиригэр култуура сылынан биллэриллибитэ. Биһиги интэринээт-дьиэбитигэр култуура сайдыытыгар кылааттарын киллэрбит Саха Өрөспүүбүлүкэтин култууратын туйгуннара Валентина Христофорова уонна Николай Потапов олороллор. Бу күннэргэ Ньурбаҕа саха саарыннара Спартак Слепцов уонна Христофор Максимов оҕолоро Муза Спартаковна уонна Иннокентий Христофорович Максимовтар кэлэ сылдьаллар. Сүрүн соруктара Спартак Слепцов 90 сылыгар анаан тахсыбыт "Чаҕылыйа сырдыы сылдьан" саҥа кинигэни сүрэхтээһин. Кинигэни хомуйан оҥорбут үтүө ааты үйэтитии энтузиаһа Татьяна Сидорова. Бэртээхэй тэрээһиҥҥэ интэринээт-дьиэттэн биэс киһилээх делегация тиийэн кыттыыны ыллыбыт. Делегация састаабыгар Николай Акимович Потапов баар. Кини Спартак Слепцовтыын 1995 сылтан өлүөр диэри Ньурба телестудиятыгар видеооператор быһыытынан бииргэ үлэлээбит. Өйдүү-санныы сылдьар устууларынан Манчаары оонньууларын, Накыын фабрикатын үлэтин сырдатыыны, оттооһуну ааттыыр. Уонча сыл устата сүдү киһини кытта бииргэ үлэлээбитинэн киэн туттар. Спартак Слепцов кыргыттара Ньукулайга кинигэни бэлэх ууннулар. Ыалдьыттар ааттарыттан Валентина Христофорова тэрийээччилэргэ махтал тылларын анаата. Сиһилии 👉👉👉 clck.ru/3V4e9F