Ытыктабыллаах педагогическай үлэ ветераннарын Яковлева Клавдия Саввичнаны, Наумова Алек... — 2 сентября 2026 г. в 08:58:39.091
Ытыктабыллаах педагогическай үлэ ветераннарын Яковлева Клавдия Саввичнаны, Наумова Александра Алексеевнаны Үөрэх-билии күнүнэн истиҥник эҕэрдэлиибит! Үөрэх сылын саҕаланар сырдык күнэ Эһиэхэ туохтааҕар да күндүтүн билэбит уонна долгуйан туран үөрэппит ыччаттаргыт ааттарыттан эҕэрдэ бастыҥын аныыбыт. Кинилэр махталлара Эһигини өрүү арчылаатын. Бу күн тус бэйэҕитигэр доруобуйаны, эйэлээх халлааны, дьолу-соргуну уонна уостубат олох сырдыгын баҕарабыт! Махтал буоллун Эһиги сыралаах үлэҕитигэр! Өссө биир улахан үөрүүбүтүн үллэстэбит. Коллегаларбыт Васильева Т.М. уонна Васильева М.А. Дьокуускайдааҕы медколледж Ньурбатааҕы филиалын студеннарын үрдүк аатын сүктүлэр. Ситиһиилээхтик үөрэнэн аны аҕыйах сылынан интэринээт дьиэбит үрүҥ халааттаах аанньалларын кэккэлэригэр киирэллэрин эрэнэ күүтэбит! Элбэх өрүттээх үөрүүлээх күммүтүн көрсө күннээх Күндээдэттэн биир улахан иһити толору моонньоҕон барыанньатын кутан кэһии гынан ыыппыттарын тутан олуһун астынныбыт, айахпытын минньитэн саха тэҥэ суох буоллубут. Үтүө санаалаах киһиэхэ улахан-улахаан МАХТАЛ! Билии күнүнэн! #Деньзнаний #Нюрбинскиймедколледж #варенье