🕊️ Бэс ыйын 22 күнэ – кутурҕан уонна кэриэстэбил күнэ. 85 сыл анараа өттүгэр Ньурбатта... — 22 июня 2026 г. в 13:30:32.476
🕊️ Бэс ыйын 22 күнэ – кутурҕан уонна кэриэстэбил күнэ. 85 сыл анараа өттүгэр Ньурбаттан Бүлүү эбэттэн пароходунан устан эр дьоммут уоттаах сэрии хонуутугар барбыттара. Кинилэри сайыһа, аймана төрөппүттэрэ, кэргэттэрэ, оҕолоро хаалбыттара. 🔸Билиҥҥи буола турар балаһыанньаҕа кинилэр сүрэхтэрэ төһөлөөх аймаммытын киһи ордук чугастык ылынан өйдүүр. 🔸Бүгүн сэрии толоонугар геройдуу охтубут, эргиллэн кэлбит хорсун саллааттарбытын саныыр, махтанар күммүт. Кинилэр сырдык ааттарыгар сүгүрүйэн улуус баһылыгын э.т. Василий Семенов, Ньурба к. баһылыгын солбуйааччыта Изамира Семенова, бэтэрээннэр Сэбиэттэрин бэрэссэдээтэлэ Татьяна Олесова, култуура уонна ыччат политикатын департаменын салайааччытын солбуйааччыта Айсен Убушаев, сэрии кэмин оҕолорун ааттарыттан Иван Ильич Николаев монумеҥҥа сүгүрүйэн өйдөбүнньүк веногу уурдулар. 🔸Мустубут дьон уоттаах сэриигэ атаары түгэниттэн хоһуйууну көрдүлэр, иһийэн туран хорсун буойуттарбытын санаан, махтанан аастылар. Аҕа дойду сэриитин ыар кэмнэрин туһунан элбэх тыл ахтылынна, эйэлээх халлааны түстээбит дьоммутугар махтал тыллар этилиннилэр. Ону сэргэ анал байыаннай дьайыыга сырдык тыыннарын толук уурбут уолаттарбыт, хорсуннук сэриилэһэ сылдьар байыаннай сулууспалаахтарбыт этэҥҥэ эргиллэн кэлэллэригэр баҕардылар. Сылтан сыл ааһан иһиэ, саҥа көлүөнэлэр кэлиэхтэрэ, ол эрэн дьоруойдар ааттара өйбүтүгэр-санаабытыгар мэлдьи тыыннаах буолуоҕа. Ньурба улууһун дьаһалтатын пресс-сулууспата. @gazetanyurba @ulusmedia