🍁 БИЛИИ КҮНҮНЭН! — 1 сентября 2026 г. в 07:17:08.781
🍁 БИЛИИ КҮНҮНЭН! Советскай Союз Геройа Н.Н. Чусовской аатынан Антоновка орто оскуолатыгар быйыл бастакы кылааска 46 оҕо үөрэнэ киирдэ, 11 кылааска 44 үөрэнээччи баар, 4 саҥа учуутал. Оскуолабыт оҕолорун уопсай ахсаана - 562. Учууталлары, үөрэнээччилэри, төрөппүттэри оскуола, нэһилиэк, улуус салалталара эҕэрдэлээтилэр. Үгэс быһыытынан оскуола "Самолетик будушего" дойду таһымнаах акцияҕа кытынна, чуораан чугдаарда, 11 кылаастар учууталларынаан үҥкүүлээн, 1 кылаастар хоһоон ааҕан чаҕылхай түгэннэри бэлэхтээтилэр. Пааркабыт саҥа тыыннанан хас да кылаас сайын кэннэ көрсүһүүлэрин пааркаҕа ыыттылар, мас оҥоһуктарга хаартыскаҕа түстүлэр, харыстыыр туһунан эттилэр. Дьоммут-сэргэбит симэнэн, олохтоохторбут үөрэн-көтөн саҥа үөрэх дьылыгар бэлэмнэр. Балаҕан ыйа күн сыламынан саҕаланна! @oktyabrskiy_nas