Алтынньы 22 күнүгэр И.С. Гаврильев аатынан Нам 1 №-дээх оскуолатын баазатыгар «День бел...
Алтынньы 22 күнүгэр И.С. Гаврильев аатынан Нам 1 №-дээх оскуолатын баазатыгар «День белых журавлей в Намском улусе» III улуустааҕы айар куонкурус ыытылынна. Күнүс 2 чаастан куонкурус үөрүүлээх арыллыыта ыытылынна. Экраҥҥа оҕолор уонна ыччаттар «Движение Первых» түмсүүлэрэ кыттыылаах Дагестаны кытта телемост кадрдара көрдөрүлүннүлэр. Быйыл телемост саҥа доҕордоһуу маршрутунан — Дагестан Өрөспүүбүлүкэтин Хунзахскай оройуонун, улуу поэт Расул Гамзатов төрөөбүт сирин, кытта барбыта. Уеруулээх тэрээьин Н.С. Охлопков аатынан Нам улууһун гимназиятын 10 кылааһын үөрэнээччилэрин бөлөҕун толоруутугар «Журавли» хоһоонунан арылынна. Тэрээһин кыттыылаахтарын Нам улууһун баһылыга Юрий Слепцов, улуус депутааттарын сэбиэтин бэрэссэдээтэлэ Алексей Винокуров, прокуратура бэтэрээнэ, күрэх көҕүлээччитэ Антонина Ускеева, Нам улууһун прокурора Андрей Яковлев, улуустааҕы бэтэрээн сэбиэтин бэрэссэдээтэлэ Софья Кобякова, Российскай Федерация суруналыыстарын сойууһун чилиэнэ Степан Сивцев-Хамалҕа, М.Д. Нартахова аатынан СР Государственнай Бириэмийэтин лауреата, СР нэһилиэнньэ көмүскэллээх буолуутун үтүөлээх үлэһитэ Антонина Сивцева эҕэрдэлээтилэр. Оҕолор 5 секциянан арахсан хоһоон ааҕыытыгар, поэзияҕа, плакат уруһуйугар күрэхтэстилэр. Ону сэргэ библиотекаҕа Хорсун санаа уонна быраап уруога тэрилиннэ. Бу күн улуус оскуолаларын улахан кылаас оҕолоро нэһилиэнньэ куттала суох буолуутун хааччыйар уонна сокуону көмүскээһиҥҥэ күннэтэ үлэлэһэр дьону кытта көрсүһүүлэрэ тэрилиннэ. Ол курдук, прокуратура бэтэрээнэ, күрэх көҕүлээччитэ Антонина Ускеева, анал байыаннай дьайыы кыттыылааҕа, СР Общественнай палаататын чилиэнэ, Россиятааҕы ДОСААФ региональнай салаатын салайааччыта Константин Копылов, улуустааҕы бэтэрээн сэбиэтин бэрэссэдээтэлэ Софья Кобякова, байыаннай дьайыы кыттыылааҕа, Нам улууһун “Буойун” түмсүү салайааччыта, “Хорсун быһыы” уордьан кавалера Павел Оконешников, ИДьМ Намнааҕы салаатын начальнигын солбуйааччы Никифор Федотов оҕолорго идэлэрин билиһиннэрдилэр, билиҥҥи үйэ куһаҕан дьаллыктарыгар ылларбакка чөл олоҕу тутуһууга ыҥырдылар, Ийэ дойдуну таптааһын, бэриниилээх буолуу туһунан санааларын аһаҕастык атастастылар. Куонкурустар кыайыылаахтара уонна бириистээх миэстэлэргэ тиксибиттэр грамотанан уонна спонсордар олохтообут харчынан бириистэринэн бэлиэтэннилэр. Тэрийээччилэр күрэх спонсордарыгар - прокуратура бэтэрээнэ, күрэх көҕүлээччитэ Антонина Ускееваҕа, СР прокуратуратын бэтэрээннэрин сэбиэтин чилиэнэ Татьяна Егороваҕа, Нам улууһун прокурора Андрей Яковлевка, улуустааҕы бэтэрээн сэбиэтин бэрэссэдээтэлэ Софья Кобяковаҕа, ИДьМ Намнааҕы салаатын начальнига Михаил Кокаревка, Нам улууһунааҕы силиэстийэлиир салаа салайааччыта Николай Кириллиҥҥэ, Нам оройуонун суут приставтарын отделын салайааччыта Иннокентий Григорьевка, Нам улууһун үөрэҕин управлениетыгар, урбаанньыт Василий Кривогорницыҥҥа (“Лакшми” маҕаһыын) махталларын тиэрдэллэр, үлэлэригэр ситиһиини, тус олохторугар дьолу-соргуну баҕараллар. Тэрээһин үүнэр көлүөнэбитин, ыччаппытын сомоҕолоото, дойдуга тапталы иҥэриигэ, бэриниилээх буолууга иитэр сыалын толордо.