🏆 «Авыл укытучысы» республика бәйгесендә — III урын!
🏆 «Авыл укытучысы» республика бәйгесендә — III урын! Азнакай районы Урманай авылы мәктәбенең ОБЗР укытучысы Төхбәтуллин Дамир Нурллович республика бәйгесендә III урын яулады! Бәйгегә 265 гариза килгән, финалга иң көчле 12 укытучы чыккан. Финал нәтиҗәләре буенча Дамир Нурллович III урынны алды. Җиңүчеләрне ТР мәгариф һәм фән министры Илсур Хадиуллин бүләкләде. 38 ел гомерен мәгарифкә багышлаган Дамир Нурллович — тәҗрибәле педагог, оста наставник һәм чын ватанпәрвәр. Яшь буынны хәрби-патриотик рухта тәрбияли. 2022 елда өлешчә мобилизация кысаларында хәрби хезмәткә чакырылган, ике ай мобилизацияләнгән хәрбиләрне әзерләүдә катнашкан. Бүген үз тәҗрибәсен яшь буынга шәхси үрнәге белән җиткерә. Укучылары хәрби-спорт уеннарында, ярышларда, җыеннарда актив катнашып, муниципаль һәм республика күләмендә призлы урыннар яулыйлар. ✨ 265 гариза арасыннан финалга чыгу һәм III урын яулау — аның югары осталыгының һәм эшенә тугрылыгының ачык дәлиле! #кадры #мәгариф #Азнакай #АвылУкытучысы