🔹️🔹️🔹️ *Сунтаар улууһун баһылыга Анатолий Григорьев Дьокуускайга үлэлиир*, бүгүн дор... — 9 сентября 2026 г. в 03:24:29.209
🔹️🔹️🔹️ *Сунтаар улууһун баһылыга Анатолий Григорьев Дьокуускайга үлэлиир*, бүгүн доруобуйа харыстабылын миниистирин бастакы солбуйааччыта Дмитрий Сергинныын суолталаах көрсүһүүнү ыытта. Кэпсэтии сүрүн хайысхатынан улууска медицинэ көмөтүн хаачыстыбатын тупсарыы уонна доруобуйа харыстабылын эбиийиэктэрин тутуута буолла. Мунньах кэмигэр саамай сүрүн болҕомто Сунтаардааҕы балыыһа комплексатын иккис уочараттаах тутуутугар уурулунна. Бу улахан суолталаах, баараҕай тутуу аукциона быйыл түмүктэнэрэ былааннанар. Тэрээһин үлэлэр барыта этэҥҥэ аастахтарына, эһиил балыыһа комплексатын тутуута олоххо киирэн саҕаланыаҕа. Ону таһынан, көрсүһүүгэ улуус нэһилиэктэригэр баар медицинэ тэрилтэлэрин туруктарын тупсарыы, саҥа тутуулары ыытыы туһунан кэпсэттилэр. Чуолаан Тойбохой нэһилиэгэр тутулла турар Врачебнай амбулатория тутуутун түмүктүүр үлэни былааннаатылар. Маны тэҥэ, Бүлүүчээн нэһилиэгэр эмиэ саҥа амбулатория баар буолуоҕа. Бырайыак аукциона түмүктэнэн, кыайыылааҕынан «Параллель групп» хампаанньа буолла. Тутуу матырыйаала быйыл кыһыҥҥы суолунан кэлиэхтээх, онтон сааскыттан тутуу үлэтэ саҕаланыаҕа. Улуус доруобуйатын харыстабылын эйгэтин сайыннарыыга маннык улахан хардыылар оҥоһуллаллар. Чэгиэн, доруобай буолуоҕуҥ! _Сунтаар улууһун дьаһалтатын пресс-сулууспата_