🔔📚 БИЛИИ КҮНҮНЭН!
🔔📚 БИЛИИ КҮНҮНЭН! Күндү үөрэнээччилэр, убаастабыллаах учууталлар, иитээччилэр, педагогическай үлэ бэтэрээннэрэ уонна төрөппүттэр! Таатта улууһун дьаһалтатын уонна тус бэйэм ааппыттан эһигини ис сүрэхпиттэн сырдык, иһирэх бырааһынньыгынан — Билии күнүнэн эҕэрдэлиибин! Күһүҥҥү маҥнайгы күн оскуолаларбыт ааннара аһыллан, бастакы куолакал лыҥкынас тыаһа дуорайан, олохпут саҥа кэскиллээх үрдэллэригэр, дириҥ билиилэргэ тардыһар саҥа ситимин аһар. Бу күн хас биирдии дьиэ кэргэҥҥэ ураты долгутуулаах уонна улахан күүтүүлээх. ✨ Быйыл саҥа үөрэх сылыгар Тааттабыт үрдүнэн 216 кырачаан оҕобут аан маҥнай оскуола боруогун атыллаан, билии киэҥ байҕалыгар бастакы эрэллээх хардыыларын оҥороллор. Кинилэргэ сырдык, уостубат интэриэһинэй уонна чаҕылхай ситиһиилээх үөрэх суолун баҕарабын! Онтон 215 оскуоланы бүтэрээччи (выпускник) олохторун биир саамай суолталаах уонна эппиэтинэстээх үрдэлигэр — 11-с кылааска киирдилэр. Эһиэхэ туруоруммут былааннаргытын итэҕэтиилээхтик ситиһэн, Биир кэлим эксээмэннэри (ЕГЭ) үрдүк баалга туттаран, баҕарбыт Үрдүк үөрэххитигэр этэҥҥэ киирэргитигэр баҕарабын! 📚 Убаастабыллаах учууталларбытыгар, иитээччилэрбитигэр уонна бэтэрээннэрбитигэр! Ытык Таатта сирэ — саха уус-уран литературата уонна духуобунаһа төрүттэммит мааны уйата буоларын быһыытынан, үөрэҕирии хаачыстыбатыгар уонна оҕону Ийэ дойдуга таптал, өбүгэ үгэһин харыстааһын тыыныгар иитиигэ куруук бастыҥ күөҥҥэ сылдьар. Эһиги сыралаах, муҥура суох тулууру уонна дириҥ билиини эрэйэр ытык үлэҕит — улууспут уонна дойдубут кэскилин түстүүр сүрүн акылаат буолар. Бараммат айар күүһү, уостубат сэниэни уонна үөрэнээччилэргит үрдүк ситиһиилэринэн мэлдьи киэн тутта сылдьаргытыгар баҕарабын! 👨👩👧 Күндү төрөппүттэр! Оҕолоргут ситиһиилэринэн мэлдьи үөрэн, кинилэр хас биирдии үктэллэригэр эрэллээх тирэх, өйдөөччү уонна мударай сүбэһит буолуҥ. Барыгытыгар саҥа 2026-2027 үөрэх сылыгар кытаанах чэгиэн туругу, саҥа суолталаах арыйыылары, чаҕылхай кыайыылары уонна уостубат күүһү-уоҕу баҕарабын! Таатта улууһун баһылыга Айаал Бурцев 📲МАХ|