Ытыктабыллаах Ытык-Күөл олохтоохторо!
Ытыктабыллаах Ытык-Күөл олохтоохторо! Ыттаах дьон ыккытын босхо ыытыман❗️ Ыттаргытын мэлдьи баайан туруораргыт ирдэнэр❗️ Ыккыт төһө да бэрээдэктээх, дьоҥҥо түспэт буоллар, үөргэ холбостохторуна майгылара уларыйарын өйдүөх тустааххыт. Хас биирдии ыттаах хаһаайыҥҥа Федеральнай сокуон 27.12.2018 с. №498 - ФЗ уонна Саха Өрөспүүбүлүкэтин бырабыытылыстыбатын 01.08.2014 с. №237 "Дьиэ кыылларын Саха Өрөспүүбүлүкэтигэр тутуу, көрүү-истии", СӨ Административнай быраабы кэһии кодексынан 5.4 ст. . миэрэҕэ тардыллалларын санатабыт. Ол эбэтэр, ыт босхо, эбэтэр хаһаайынын кытары наморднига суох сылдьарын иһин тута 2000-3000 солк.ыстараап, иккистээн түбэһиигэ 4000-5000 солк. ыстараап көрүллүбүтэ. Ыт хаһаайына маннык кээмэйинэн элбэх төгүл ыстарааптаныан сөп. Хаһаайыннаах ыт ытырдаҕына Арассыыйа Федерациятын административнай буруйу оҥоруу туһунан сокуонунан 8.52 ст. 3 ч. 10 000-30 000 солк. ыстарааптанар. Иэдээн тахсыбатын туһугар бэйэ-бэйэҕэ харыстабыллаахтык сыһыаннаһыаҕыҥ, босхо сылдьар ыттар чуолаан кыайан көмүскэммэт оҕолорбутугар, саастаах дьоммутугар кутталы үөскэтэллэрин санааммыт эппиэтинэскэ ылбыт ыттарбытын баайан туруоруоҕуҥ. Нэһилиэк дьаһалтата.