БИТВА АНСАМБЛЕЙ» Таатта нэһилиэгин тэрилтэлэрин икки ардыларыгар ырыа ансаамбылларын к...
БИТВА АНСАМБЛЕЙ» Таатта нэһилиэгин тэрилтэлэрин икки ардыларыгар ырыа ансаамбылларын күрэҕэ ыытылынна. Саха Өрөспүүбүлүкэтин төрүттэммит күнүн көрсө Таатта нэһилиэгэр тэрилтэлэрин икки ардыларыгар ырыа ансаамбылларын "БИТВА АНСАМБЛЕЙ» ырыа күрэҕин дьоро киэһэтэ буолла. Талаан норуокка баар дииллэринии 9 тэрилтэ ырыа ансаамбыллара икки түһүмэҕинэн күөн көрүстэ. Күрэх икки түһүмэҕинэн ыытылынна. Бастакы түһүмэххэ кыттааччылар патриотическай ырыаны, иккис түһүмэххэ көҥүл темаҕа ырыаны толордулар. Ансаамбыл кыттааччылара бары да олус кэрэтик, киһи иһиттэр истэ олоруох курдук ыллаан, дьүүллүүр сүбэҕэ түмүгү таһаарыы уустук соҕус буолла. Кылаан чыпчаал, лауреаттар быһаарылыннылар. Кыайыылаахтар грамоталарынан, анал сертификаттарынан наҕараадаланнылар. Биһиги уһуйааммыт кэрэ 12 иитээччилэрэ эппиэтинэстээхтик ылынан, дьарыктанан олус ситиһииллэхтик кытыннылар. Салайааччыбытыгар Новгородова А.А. махтанабыт, кылгас бириэмэ иһигэр түмэ охсон ырыа үөрэтэн кытыннарбытыгар. Иитээччилэрбитигэр кыһаллан, эппиэтинэс ылынан түмсэн бэлэмнэммиттэригэр махтанабыт. Инникитин да маннык түмсүүлээх буолуоххайын!