Укучыларның олимпиадаларда җиңүләре – район горурлыгы!
Укучыларның олимпиадаларда җиңүләре – район горурлыгы! Бүген Әлфия Авзалова исемендәге район мәдәният сараенда 2025-2026 уку елының иң тантаналы чарасы узды. Әлеге бәйрәм «Олимпка юл», республика, төбәкара, халыкара һәм Бөтенроссия фән олимпиадаларында җиңү яулаган укучыларны хөрмәтләүгә багышланды. Тантанада җиңүчеләрне район башлыгы Ленар Зарипов, район Советы аппараты җитәкчесе Илшат Вахитов, башкарма комитет җитәкчесенең социаль мәсьәләләр буенча урынбасары Дилбәр Әнвәрова, мәгариф идарәсе башлыгы Раниза Шакирова тәбрикләде. Чара кысаларында иң күп олимпиада җиңүче-призерлары әзерләгән мәктәп коллективлары да бүләкләнде. Төп мәктәпләр арасында: 3 нче урынны Татар Ямалысы төп гомуми белем бирү мәктәбе коллективы яулады (җитәкчесе – Гөлназ Гыйльмегаян кызы Фәйрүшина); 2 нче урында – Чуракай һәм Мари-Суксуы төп гомуми белем бирү мәктәпләре (җитәкчеләре – Дилбәр Фәрит кызы Нәбиева һәм Эдуард Амирянович Галиев); 1 нче урын Теләкәй төп гомуми белем бирү мәктәбенә бирелде (җитәкчесе – Гөлнара Миркасыйм кызы); Гран-при Басыйров Миргалим Гыйлем улы исемендәге Байсар төп гомуми белем бирү мәктәбе коллективына тапшырылды (җитәкчесе – Рамил Җәмигънур улы Салахов). Кадет мәктәпләре арасында үткәрелгән “Ватанга хезмәт итәм! Халыкка хезмәт итәм!” республика олимпиадасында Советлар Союзы Герое Хәсән Заманов исемендәге кадет мәктәп-интернаты 22 призлы урын яулап, беренче урынга лаек булды (җитәкчесе – Илсур Индус улы Ялалов). Урта мәктәпләр арасында: 3 нче урын – Пучы урта гомуми белем бирү мәктәбе (җитәкчесе – Ландыш Сәяф кызы Нургалиева); 2 нче урын – аерым фәннәрне тирәнтен үзләштерүле 2 нче Актаныш урта мәктәбе (җитәкчесе – Рәйхан Фелүс кызы Галимҗанова); 1 нче урын – 1 нче Актаныш урта гомуми белем бирү мәктәбе (җитәкчесе – Альберт Мирхәт улы Мансуров); Гран-при – Сәләтле балалар өчен гуманитар гимназия-интернатка бирелде (җитәкчесе – Венера Хаматнасыйх кызы Хаева-Хаметзянова). Әлеге чара тагын бер кат районыбызда белемле, максатчан, тырыш яшьләр үсүен күрсәтте. Алар – киләчәгебез горурлыгы, илебезнең ышанычлы терәге. Тулырак: https://aktanysh-rt.ru/news/beznen-magarif/ukucylarnyn-olimpiadalarda-inulare-raion-gorurlygy