Башҡорт теле һәм әҙәбиәтенән онлайн-олимпиада.
Башҡорт теле һәм әҙәбиәтенән онлайн-олимпиада. Был проект Башҡортостан Республикаһы Башлығы гранттары фонды ярҙамында тормошҡа ашырыла. Ойоштороусылары: Автономиялы коммерцияға ҡарамаған Башҡорт телен һаҡлау һәм үҫтереү ойошмаһы һәм «МИРАҪ» йәштәр башланғыстарына ярҙам итеү фонды. Олимпиадала ҡатнашыусылар өсөн өс кимәлдә онлайн-тест һорауҙар әҙерләнгән: 1. Башланғыс кимәл - башҡорт телен башланғыс кимәлдә белеүселәр өсөн; 2. Иркен аралашыусылар кимәле – башҡорт телендә иркен аралашыусылар өсөн; 3. Башҡорт теленең диалекттары - башҡорт теленең диалекттары менән ҡыҙыҡһынған ҡатнашыусылар өсөн. Олимпиадала ҡатнашыу өсөн беҙҙең сайтта теркәлергә кәрәк. Тест үтеү ваҡыты 45 минут, максималь 100 балл йыйырға мөмкин. Олимпиаданан һуң йыйылған балдар менән олимпиаданы үтеү тураһында сертификат алаһығыҙ.