Бэс ыйа Улуу тунах ыйа, алгыстаах кэм. Бэс ыйын 21 күнэ – саамай уһун күн, саамай кылга... — 28 июня 2026 г. в 06:46:28.241
Бэс ыйа Улуу тунах ыйа, алгыстаах кэм. Бэс ыйын 21 күнэ – саамай уһун күн, саамай кылгас түүн! Бу күн Айыылар сиргэ чугаһыыллар, куйаар аана аһыллар, өбүгэлэрбит этэллэринэн, үрүҥ илгэ түһэр. Аан дойду дьоно күнтэн күүс ылаллар.Бу күн, Сырдык Айыылартан, Үрдүк Таҥаралартан уйгу-быйаҥ олохтоотуннар диэн, кэрэ кэскили кэрэһэлээтиннэр диэн көрдөһүллэр. Аан Ийэ дойду иччитэ Аан алахчын хотуҥҥа анаан чороон айах туттуллар, сир дойду иччитэ Ахсар Айыы тойоҥҥо анаан илгэ ыһыллар, тордуйалаах салама тардыллар, аал уот оттуллар, ырыа – тойук, үҥкүү битии ананар. Бүгүн, Арчы Дьиэтин алгыстаах түһүлгэтигэр унаар буруону унаарытан, түптэ сытын таһааран, алаадьы астаан, арчылаан, ыраастаан Үрүҥ Айыы Тойоҥҥо, Үрдүк Айыыларга анаан алгыс сиэрэ -туома ыытылынна. Маны сэргэ, бу күн Арчы Дьиэтин иһинэн үлэлиир айар - тутар ансаамбыллар, бөлөхтөр, түмсүүлэр " Самаан сайыны айхаллыах!" эҕэрдэ кэнсиэрдэринэн күндү көрөөччүлэригэр бэлэх ууннулар.