Сэтинньи 4 күнүгэр, Аан дойдутааҕы норуоттар икки ардыларынааҕы сомоҕолоһууларын күнүгэ...
Сэтинньи 4 күнүгэр, Аан дойдутааҕы норуоттар икки ардыларынааҕы сомоҕолоһууларын күнүгэр, Арчы Дьиэтигэр дьону-сэргэни сомоҕолуур, дууһаны кынаттыыр «Сүрэх сылааһа» аһымал кэнсиэрт үрдүк таһымнаахтык ыытылынна. Бу киэһэ, Сахабыт сирин араас көлүөнэ талааннаах ырыаһыттара, үҥкүүһүттэрэ култуура туйгуннара уонна үтүөлээх үлэһиттэрэ сырдык сылаас сыһыаны, дууһаны кынаттыыр ырыаны-тойугу бэлэхтээтилэр. Ол курдук, Святослав Эверстов, Люция Бандерова-Айыллаана, Вячеслав Попов, Раиса Крылова, Фатина Иванова-Дунаайа, Сайылык Бүөтүрэ, Афанасий Колочев, Максим Аммосов уонна Лонгина Бережнева ырыа куттаах көрөөччүлэри сэргэхситтилэр. Маны таһынан, Антуанетта Абрамова салайааччылаах «Долгунча» этно-фольклорнай ансаамбыл, «Якутия 24» телеканал «Танцуй» проегын финалистката Ирина Рассейкина, өрөспүүбүлүкэтээҕи конкурстар кыайыылаахтара Терентий Егоров уонна «Ситим», «Кэрэ эйгэ» хоһоонньуттар бөлөхтөрүн чилиэнэ Мария Бережнова-Тупсууна Байды бэйэлэрин эҕэрдэ ырыаларынан - үҥүүлэринэн дьоро киэһэни киэргэттилэр.Спорт уонна үлэ бэтэрээннэрэ Матрена Аммосова, Мария Спиридонова, Ульяна Захарова, Самидин Калчаев, Анастасия Иванова, Федот Егоров, Аксиния Протопопова, Тамара Винокурова уонна доруобуйа харыстабылын туйгуна Наталья Артемьева ылбаҕай ырыаларынан киэргэттилэр. Аһымал кэнсиэрт сүрүн сыала -соруга толору ситтэ. Кэнсиэртэн барыта 42 500 солкуобай үп хомулунна. Бу үп анал байыаннай дьайыыга (СВО) сылдьар буойуттарбыт оҕолоругар анаан Саҥа дьыллааҕы утренниктарын тэрийиигэ туһааннаах тэрээһиҥҥэ ананар. Кэлбит дьон - сэргэ астынан дуоһуйан тарҕстылар. Любовь Константинова
Канал в каталоге Максиметера
80 подписчиков · Госорганы и учреждения