Үтүө сарсыарданан ! Бүгүн хотугу многоборьеҕа күрэхтэһии буолар. Бакалдын тэрээһинэ төһ... — 7 июня 2026 г. в 00:54:47.632
Үтүө сарсыарданан ! Бүгүн хотугу многоборьеҕа күрэхтэһии буолар. Бакалдын тэрээһинэ төһө Да үп-харчы кырыымчыгын иһин тэрээһинэ үчүгэй. Өлөөннөр түһүлгэлэригэр Ээйик уустара маһынан ураһа туппуттар. Түөрт нэһилиэк барыта ыалдьыттары көрсөр култуура чааһыгар кытынныбыт. Музыкальнай эҕэрдэлэри бэлэхтээтибит. Өлөөн түһүлгэ, ураһа көрүүтүгэр, өбүгэ аһыгар- үөлүгэр, ырыатыгар, хороводнайга киирэммит бастакы миэстэни ылан үөрүү- көтүү үксээтэ! Гриль уонна хомуллар балаакка бириис туттардылар. Григорий Федоров саамай аҕа саастаах ыалдьыппытыгар Ээйиктэн бултаан аҕалбыт хааһын ньымаат оҥордо. Ыалдьыт бөҕө кэлэн итии чэй, ис, чаакыйаа миинэ, собо амсайдылар. Ээйик ыччаттара атыы- эргиэн туруоран уран оҥоһуктарынан дьону сөхтөрдүлэр. Соломонова Андриана хатыламмат кэрэ оҕуруо оҥоһуктарынан бакалдыҥҥа кэлбит дьону сөхтөрдө, харахтарын үөртэ. Степанова Александра Васильевна тикпит унтуулара, оҥоһуулара ураты көстүүнү оҥордулар. Любовь Васильевна ийэтин үлэлэрин быыстапка- дьаарбаҥка тэрийдэ. Бу Эһэбит Сахаарча Баһылай утумун салҕааччылар буолалларынан киэн туттабыт. Сыдьааны салҕаан бачча улахан таһымнаах тэрээһини киэргэтэ сылдьалларыттан астынабыт. Өлөөн, Кирбэй, Дьэлиҥдэ нэһилиэгин иистэнньэҥнэрин үлэлэрэ ураһа- урикит киэргэтиитигэр турдулар. Махтал тылларын тэрийэр хамыыһыйаҕа тиэрдэбин. Чуолаан култуура салаатын салайааччытыгар Надежда Прокопьевнаҕа, Туяра Егоровнаҕа, нэһилиэктэрин аатыттан Татьяна Мироноваҕа, Юлиана Никифороваҕа, Роберт Сизыхха, Дария Софроноваҕа, Яков Александровка, Марианна Сазоноваҕа махтанабыт. Бу ыччаттар наһаа кыһанан туран киэһээҥҥэ диэри көмөлөстүлэр. Саамай долгутуулаах түгэнинэн Александр Степанович мэҥэ таҥаһыгар тыыннаах сибэкки дьөрбөтүн ууруу буолла. Ил Түмэн дьокутаата Елена Христофоровна кэлэн Өлөөннөрүн эҕэрдэлээтэ, бары үтүөнү баҕарда! 💐💐💐👏👏👏🩷