Бу күннэргэ Дьокуускайга биир улахан суолталаах тэрээһин Өксөкүлээх аатынан Култуура Д... — 5 июля 2026 г. в 00:45:40.320
Бу күннэргэ Дьокуускайга биир улахан суолталаах тэрээһин Өксөкүлээх аатынан Култуура Дьиэтигэр буолан ааста. Саха Өрөспүүбүлүкэтин култууратын туйгуна, уйул5аьыт,арчыьыт,коллекционер, биһиэхэ Өлөөн култуурата ыытар тэрээһиннэригэр мэлдьи көмө буолар киьибит Татьяна Софроновна Софронова бэйэтин хамаандатын кытта Новемология диэн киһи муҥура суох ураты кыаҕын,күүһүн, сааһыламмыт билии нөҥүө арыйар ураты ньыма таблицатын илиилэрин сылааһынан иистэнэн, быысыбайдаан, улахан истиэнэ көбүөрэ оҥорон таһаарбыт улэлэрин презентацията ыытылынна. Бу тэрээһин Татьяна Софроновна үөрүүлээх үбүлүөйүн күнүгэр ананна. Оройуоннааҕы култуура салаатын начальнига Надежда Николаева бу тэрээһиҥҥэ кыттыыыны ылла,уонна Татьяна Софроновнаны бу сүҥкэн үлэтинэн уонна өрөспүүбүлүкэ5э ыытар сырдатар, дьоҥҥо көмөлөһөр үлэтинэн э5эрдэлээтэ:- "Айыл5аттан айдарыылаах, ураты дьоҕурдаах Далбар Хотун, эн Саха, эбэҥки дьонун сомоҕолуур "Уран уйул5а" өбүгэлэриҥ дьиэлэрэ ыраахтан-чугастан кэлбит дьон-сэргэ мустар,тоҕуоруһар,сынньанар,билии иҥэринэр алаьа дьиэлэрэ буолар Өрөспүүбүлүкэҕэ биир бастакынан удьуор утумун -төрүччүнү үөрэтиигэ үлэлэһэн элбэх урууну-аймаҕы тумтүҥ, хас биирдии киһи төрүччүнү үөрэтэрин, олоххо туьанарын туһугар үлэни күүскэ тэрийэ5ин, онно сөптөөх усулуобуйаны тэрийэ5ин.Айар талааҥҥын,дьоҕургун бэлиэтээн туран саргылаах Сахабыт сирэ бе5е туруктаах буоларыгар уонна сайдарын туһугар ыытар улэ5ин үрдүктүк сыаналыыбыт уонна сүһүөхтээх бэйэбит сүгүрүйэн туран дириҥ махталбытын тиэрдэбит, дьэҥкир уулаах Өлөөн эбэбит биэрэгиттэн,хоту сир ыраас салгынынан эҕэрдэбитин ыытабыт", диэн истин э5эрдэ тылларын анаата.