2026 оной октябриин 16
2026 оной октябриин 16 Мүнөөдэр октябриин 16-да Улаан-Үдэ хотын 29-дэхи Буряад гимназида «Оюун бэлиг – 2026» гэһэн юһэдэхи ангиин һурагшадай заншалта Уласхоорондын уулзалга болобо. Энэ хэмжээн Оросой арадуудай эб нэгэдэлэй жэлдэ зорюулагданхай. Мүрысөөнэй программа 9 шатаһаа бүридөө: * арадай сэсэн мэргэнэй нюусанууд (танилсалгын шата); * үндэһэн хубсаһан; * арадай гар урлал; * «Эб нэгэдэлэй сэсэг» гэһэн зохёохи даабари; * хүгжэмэй викторина; * «Бидэниие юу нэгэдүүлнэб» гэһэн ниитэлэл; * Оросой арадуудай эб нэгэдэл харуулһан медиа-бүтээл; * соёлой ёохор; * онлайна-тестировани; * «Оюун бэлигэй ороной мүшэд» гэһэн гэрэй даабари. Уулзалга онсо маягтайгаар үнгэрөө: элдэб һургуулинуудай һурагшад холимог командануудта хубаагдажа, бэе бэетэеэ танилсажа, хамтын түсэлнүүдые бэлдэжэ, буряад хэлэн дээрэ дурадхаа. Командын ажал, удха шанар, хамта хүдэлhэн болон дурадхагдаһан зүйлнүүдэй шанарта онсо анхарал хандуулагдаа. 📌Юһэдэхи ангиин һурагшадай «Оюун бэлиг» гэһэн уулзалга Буряад хэлэнэй һарын заншалта хэмжээн болоно. Энэ хэмжээе Буряад Уласай Болбосоролой болон эрдэм ухаанай яаманай дэмжэлгээр «Буряад Уласта буряад хэлэ сахин хүгжөөлгэ» гэһэн гүрэнэй программын хэмжээндэ үнгэргэнэ. Манай амжалтанууд: 🏆 Гран-при — Осорова Арьяна, 9а ангиин һурагша (хамтын һуури) 🥉 3-дахи һуури — Осорова Арьяна, «Арадуудай ёохор» гэһэн номинацида 🥉 3-дахи һуури — Осорова Арьяна, «Үндэhэтэ хубсаhан» гэһэн номинацида 🥇 1-дэхи һуури — Дамшаева Арина, 9а ангиин һурагша (хамтын һуури) 🥈 2-дохи һуури — Дамшаева Арина, «Үндэhэтэ хубсаhан» гэһэн номинацида 🥈 2-дохи һуури — Ошоров Аламжи, 9б ангиин һурагша, «Арадай дуунай аянга» гэһэн номинацида #түрэлхэлэн #бибуряадби #оюунухаан #орликскаясош❤