2026 елның 9 июнендә Казан шәһәрендә, Башир Рәмиев исемендәге «ИТ-парк» югары технологи...
2026 елның 9 июнендә Казан шәһәрендә, Башир Рәмиев исемендәге «ИТ-парк» югары технологияләр өлкәсендәге технопарк базасында компьютер буенча «Хикмәт» — «Буыннар бәйләнеше» Республика чемпионатының финал этабы узды. Әлеге чараның максаты булып өлкән буын гражданнарының шәхси потенциалын тормышка ашыру өчен тиешле шартлар тудыру, аларның җәмгыять тормышындагы активлыгын арттыру, шулай ук өлкән һәм яшь буын вәкилләре арасында заманча компьютер технологияләрен көндәлек тормышта куллануны популярлаштыру тора. Шул ук вакытта чемпионат гаилә мөнәсәбәтләрен, буыннар арасындагы рухи бәйләнешне һәм традицион гаилә кыйммәтләрен ныгытуны күздә тота. Әлеге бәйгедә Татарстан Республикасының 45 муниципаль берәмлегеннән 180 кеше катнашты. Программа нигезендә, ярышлар өч төп интеллектуаль юнәлешне үз эченә алды: 1. «Яндекс. Россия халыклары бердәмлеге елы»: әлеге юнәлештә катнашучылар ясалма интеллект системалары белән эшләү өлкәсендәге теоретик һәм практик биремнәрне башкардылар. 2. «Смартфонда эшләү. Хәрби һәм хезмәт даны елы»: әлеге номинациядә командалар «Макс» мессенджеры мохитендә нәтиҗәле эшләү күнекмәләрен сынадылар. 3. «Мәгълүмати һәм финанс куркынычсызлыгы»: биредә катнашучылар дәүләт хезмәтләреннән файдалану, электрон түләүләр башкару һәм шәхси мәгълүматларны саклау буенча белемнәрен күрсәттеләр. Сарман муниципаль районы данын әлеге чемпионатта дүрт вәкилдән торган делегация яклады. «Хикмәт» командасы составында Зилә һәм Ләззәт Хузиннар, ә «Буыннар бәйләнеше» командасы составында Илһамия Кутусова һәм аның оныгы Индира Хакимова катнашты. Югары көндәшлек шартларында Кутусова Илһамия «Мәгълүмати һәм финанс куркынычсызлыгы. Сәламәт тормыш рәвеше» номинациясендә мактаулы 2 нче урынны яулады: диплом һәм кыйммәтле бүләк сертификаты белән бүләкләнде. Районның башка катнашучыларына истәлекле бүләкләр тапшырылды. Үткәрелгән чемпионат буыннар арасындагы үзара аңлашуның һәм рухи бердәмлекнең ачык гәүдәләнеше булды. Бу чара яшь һәм өлкән буын арасында заманча технологияләрне үзләштерүдә тоткарлык була алмавын, теләсә нинди югарылыкларны яуларга ярдәм итүен тулысынча исбатлады.