4 нче июль көнне Сарман районы Чукмарлы авылында Сабантуй һәм авылга нигез салынуга 20...
4 нче июль көнне Сарман районы Чукмарлы авылында Сабантуй һәм авылга нигез салынуга 200 ел тулуга багышланган зур бәйрәм булып узды. Бәйрәм авылның хәзрәтенең хәер- фатихасы, догасы белән башланып китте. Сарман муниципаль район Башкарма комитеты аппарат җитәкчесе Исмәгыйлова Юлия Равил кызы Чукмарлыларга үзенең ихлас котлауларын җиткерде, алдынгыларга бүләкләр тапшырды.Бәйрәм күңелле уеннар, җыр- биюләр белән үрелеп барды. Чукмарлы халкы талантлы авылдашларыбызның матур чыгышларын карап хозурланып,алар белән горурланып утырдылар. Балалар өчен уен мәйданчыклары,тәмле коймак, бал белән кайнар чәй авылдашларның күңеленә бигрәк тә хуш килде.
86 просмотров