⚡️Питрәч авылында мөһим вакыйга булды – махсус хәрби операциядә катнашкан һәм шунда һәл... — 17 июня 2026 г. в 05:39:42.775
⚡️Питрәч авылында мөһим вакыйга булды – махсус хәрби операциядә катнашкан һәм шунда һәлак булган Габдрахманов Азат Зөфәр улы һәм Габдрахманов Илназ Зөфәр улы яшәгән йортларда аларның истәлегенә мемориаль такталар ачылды. Ике туган да хәрби бурычларын намус белән үтәделәр, ләкин, өйләренә кире кайтмадылар. Башта өлкән абыйсы – Азат мобилизация буенча хезмәт итәргә китте. Аның яраткан хатыны һәм өч баласы калды. Аннан соң кече энесе, Илназ, үзенең абыйсы артыннан барып, контракт төзеде. Габдрахмановлар Питрәч районының тарихында чын батырлык һәм илгә тугрылык үрнәге булып мәңгегә калачаклар. Чарада гаиләнең якыннары һәм Питрәч районы башлыгы Рәис Сөләйманов катнашты. Ул каһарман егетләрнең әти-әниләренә тирән кайгы уртаклашуын белдерде. «Аларның тарихы – сынаулар каршында гаиләнең ныклы бердәмлеге тарихы. Мин аерым рәхмәт сүзләрен әти-әниләренә – Зөлфия Васыйховна һәм Зөфәр Габдулбар улына җиткерәм! Сез лаеклы уллар тәрбияләдегез, алар белән районыбыз, республикабыз һәм илебез горурлана. Аларның фидакарьлеге турындагы истәлек яшь буын өчен әхлакый юнәлеш булып торсын иде», - дип билгеләп үтте Рәис Әхтәм улы. Һәлак булган якташларыбызның истәлеген мәңгеләштерү буенча эш районда дәвам итәчәк. Без аларның һәрберсенең батырлыгын онытмабыз 🙏🏻