Күндү биир дойдулаахтарым!
Күндү биир дойдулаахтарым! Быыбар иннинээҕи хампаанньабыт кыайыынан түмүктэннэ. Бу — биһиги уопсай кыайыыбыт. Биһиги өрөспүүбүлүкэ бүттүүнүн уонна хас биирдиибитин долгутар боппуруостары элбэхтик көрсөн ырыттыбыт, дьүүллэстибит, кыһалҕалары үллэһиннибит уонна ону быһаарар суоллары бииргэ көрдөөтүбүт. Эһиги накаастаргытын, этиилэргитин мин саҥа статуска олоххо киллэрээри уонна федеральнай таһымҥа биир дойдулаахтарым интэриэстэрин көмүскээри илдьэ барыам. Хас биирдиигитигэр куоласкыт, өйөбүлгүт, кыһамньыгыт иһин махтанабын. Бүгүн эһиги миэхэ эрэлгит иһин эппиэтинэһи ордук күүскэ өйдүүбүн. Хас биирдии куолас кэннигэр — киһи, кини эрэлэ, кэтэһиитэ уонна олохпут үчүгэй өттүгэр уларыйыан сөбүгэр итэҕэлэ турар. Иннибитигэр улахан үлэ күүтэр. Дьоммор-сэргэбэр, төрөөбүт дойдубар уонна уопсай кэскилбит туһугар салгыы үлэлииргэ кыах биэрбиккитигэр махтанабын! Бары бииргэ — кэскилгэ! #БиирНьыгылАрассыыйа #Быыбар2026 #Барыбииргэкэскилгэ