🥛 Тыа хаһаайыстыбатын сайыннарыы, бэйэ бородууксуйатын оҥорон таһаарааччыларын өйөөһүн...
🥛 Тыа хаһаайыстыбатын сайыннарыы, бэйэ бородууксуйатын оҥорон таһаарааччыларын өйөөһүн, тиэхиньикэни саҥардыы уонна Мэҥэ Хаҥалас улууһугар «Тумул» СХПК «Эбэ түгэҕэ» сайылыкка оҥорон таһаарыы кээмэйин салгыы улаатыннарыы боппуруостарын дьүүллэстибит. «Тумул» туруктаахтык уонна ситиһиилээхтик сайдар хаһаайыстыба буолар. Манна 456 төбө ынах сүөһү, ол иһигэр 178 ыанар ынах баар, бурдук, аһылык култууратын үүннэрэллэр, племенной үлэни ыыталлар уонна быраҕыллыбыт бааһыналары чөлүгэр түһэрэллэр. Бүгүн кээпэрэтиипкэ 60-ча киһи үлэлиир, олор истэригэр 3 Саха Өрөспүүбүлүкэтин тыатын хаһаайыстыбатын үтүөлээх үлэһитэ, 20-тэн тахса Саха Өрөспүүбүлүкэтин тыатын хаһаайыстыбатын туйгуна. Үлэһиттэргэ үчүгэй усулуобуйа тэриллэр, сайылыкка саҥа дьиэлэр тутуллубуттар, туспа олорор кыбаартал оҥоһуллубут. Тыа хаһаайыстыбатын өйөөһүн биир дьоһун хайысханан хаалыахтаах. Тутуу үлэтин салгыы ыытыы, дьоҥҥо төрөөбүт өрөспүүбүлүкэлэригэр таһаарыылаахтык үлэлииргэ, олорорго кыаҕы биэрии ирдэнэр. Чопчу кинилэртэн Саха сирин аһынан-үөлүнэн хааччыллыыта, куттала суох буолуута уонна тыа сирин кэскилэ быһаччы тутулуктаах. https://max.ru/channel_PetrShamaev