Саха Өрөспүүбүлүкэтин Ил Дархана Айсен Сергеевич Николаев уонна «Газпром» хампаанньа са...
Саха Өрөспүүбүлүкэтин Ил Дархана Айсен Сергеевич Николаев уонна «Газпром» хампаанньа салалтата Владивостокка ыытылла турар Илиҥҥи экономическай форумтан видео сибээһинэн быһа холбонон, Ааһыма нэһилиэгэр «Одуванчик» оҕо уһуйаанын гаастааһын саҕаланыытын биллэрдилэр. Хапытаалынай өрөмүөн кэнниттэн оҕо уһуйаана биллэ тубуста, манна 50 кырачааҥҥа аныгы, тупсаҕай усулуобуйа тэрилиннэ. Оттон гаастааһын көмөтүнэн уһуйаан саамай тымныы кыһыҥҥы күннэргэ сылаас буолара хааччыллыаҕа. Төрөппүттэр биһиэхэ саамай күндүлэрин — оҕолорун итэҕэйэн туттараллар. Ол иһин судаарыстыба кинилэр куттала суох улааталларыгар, сайдалларыгар, үөрэнэллэригэр уонна оҕо уһуйааныгар үөрэ-көтө кэлэллэригэр бары усулуобуйаны тэрийэр. Оҕолорбут — инники кэскилбит, онон сүрүн сорукпут — дьоллоох оҕо саастарын хааччыйыы буолар. Арассыыйа Бэрэсидьиэнин өйөбүлүнэн, «Биир ньыгыл Арассыыйа» баартыйа Норуот бырагырааматын уонна «Дьиэ кэргэн» национальнай бырайыак иитинэн, биһиги нэһилиэктэрбитигэр дьон олоҕун хаачыстыбатын үрдэтиигэ, сайыннарыыга саҥа кыахтар үөскүүллэр. https://max.ru/channel_PetrShamaev