Нерюнгрига Саха Өрөспүүбүлүкэтин Ил Дархана Айсен Сергеевич Николаевтыын үлэбит сырыыты...
Нерюнгрига Саха Өрөспүүбүлүкэтин Ил Дархана Айсен Сергеевич Николаевтыын үлэбит сырыытынан Саха сирин Соҕурууҥҥу технологическай колледжыгар сырыттыбыт. Манна саҥа фиджитал-эйгэ тэриллибит. Кини үгэс буолбут үөрэх ньымаларыгар аныгы цифровой технологиялары эбэн, ыччаттар идэни сөпкө талалларыгар саҥа хайысхалары киллэрэн көмөлөһөр. Түһүмэхтэринэн таҥыллыбыт эйгэҕэ кырачааннар улахан дьон идэлэрин оонньоон көрөн билэллэр; оскуола оҕолоро араас идэлэргэ тургутуктары, квестары ааһаллар; оттон устудьуоннар практическай соруктарынан дьарыктаналлар. Ол түмүгэр хас биирдии оҕо тугу сөбүлүүрүн өйдүүр, инники идэтин таларыгар сыыһаны-халтаны таһаарбат буолар. Куйаар эйгэтэ салгыы сайдыаҕа: манна виртуальнай уонна эбии оҥоһуллубут эйгэни (AR/VR) туһаныыны кэҥэтэр былааннаахтар, оттон учууталлар үөрэтии саҥа ньымаларын баһылыахтара. Эдэр дьон идэҕэ үүнүү кэскилин көрөн, ирдэнэр идэни ылан, инники олохторун төрөөбүт Сахабыт сирин кытары ситимниир кыахтарын тэрийии — биһиги сүрүн сорукпут. https://max.ru/channel_PetrShamaev