Россия Социальнай пуондатын Хаҥалас улууһунааҕы салаатын уонна нэһилиэнньэ социальнай к...
Россия Социальнай пуондатын Хаҥалас улууһунааҕы салаатын уонна нэһилиэнньэ социальнай көмүскэл салалтатын исписэлиистэрин кытары көрсүһүүнү ыыттым. Көрсүһүү улуус олохтоохторун өйөөһүн уонна ыччаты кытта бииргэ үлэлээһин боппуруостарыгар ананна. Судаарыстыбаннай өйөбүл дьаһалларын туһунан иһитиннэриини эдэр дьоҥҥо ордук өйдөнүмтүө уонна тиийимтиэ оҥорор ньымалары дьүүллэстибит. Ураты болҕомтону үбү-харчыны сөпкө туһаныы, үлэ быраабын боппуруостарыгар уонна эдэр ыалларга көрүллэр өйөбүллэргэ уурдубут. Ыччат бэйэтин быраабын билэрэ, ханна туохха сайабылыанньа биэрэрин өйдүүрэ уонна баар кыахтары эрэллээхтик туһанара улахан суолталаах. Каадыр кыаҕар туспа тохтоотубут. Социальнай тэрилтэлэр үлэһиттэрэ күннэтэ дьону кытта алтыһаллар, олох уустук балаһыанньаларыгар түбэспит дьоҥҥо төлөбүрү анааһыҥҥа, чэпчэтиилэри оҥорууга көмөлөһөллөр. Бу эппиэтинэстээх эйгэҕэ эдэр исписэлиистэри тардар, кинилэргэ идэлэринэн үүнүү кыаҕын тэрийэр уонна саҥа идиэйэлэри, аныгы ньымалары өйүүр сорук турар. https://max.ru/channel_PetrShamaev