Анал байыаннай дьайыы ыытыллар сиригэр Саха Өрөспүүбүлүкэтиттэн үс тиэхиньикэ уонна сэт...
Анал байыаннай дьайыы ыытыллар сиригэр Саха Өрөспүүбүлүкэтиттэн үс тиэхиньикэ уонна сэттэ туонна кэриҥэ гуманитарнай таһаҕас ыытылынна. Бу тэрээһин «Бииргэ — Кыайыыга!» диэн өрөспүүбүлүкэ Ил Дархана Айсен Сергеевич Николаев салататынан үлэлиир хамсааһын, итиэннэ "Донбасска көмө уонна өйөбүл Хотугулуу-Илиҥҥи пуондатын" уонна Саха Сиринээҕи быыһыыр сулууспа өйөбүлүнэн ыытылынна. Маннык үлэ тиһиктээхтик салҕанар. Сыл саҕаланыаҕыттан анал байыаннай дьайыы ыытыллар сиригэр өрөспүүбүлүкэттэн хайыы-үйэ 114 тиэхиньикэ, оттон сиринэн 190 туонна кэриҥэ гуманитарнай көмө тиийдэ. Бу анал көмөнү өрөспүүбүлүкэ волонтердара бэлэмнээтилэр. Кинилэр наадалаах оборуудобанньаны илиилэринэн оҥороллорун таһынан, аймахтарыгар, биир дойдулаахтарыгар олохтоох дьонтон посылкалары хомуйаллар. Бэрт сотору Алдан уонна Нерюнгри оройуоннарыттан хомуллубут көмөнү аҕалыы былааннанар. Биһиги байыастарбытыгар маннык посылкалар быдан элбэҕи этэллэр. Хас биирдиилэригэр бу төрөөбүт дойду сорҕото, биир дойдулаахтарын сылааһа, кыһамньыта, кинилэри дьиэлэригэр күүтэллэрин, итэҕэйэллэрин санатар бэлиэ. Уопсай дьыалаҕа бэйэлэрин кылааттарын киллэрсэр дьоҥҥо барыларыгар махталбытын тиэрдэбит! https://max.ru/channel_PetrShamaev