Саха сирин ыччат дьыалаларыгар уонна социальнай коммуникацияҕа министиэристибэтин аатыт...
Саха сирин ыччат дьыалаларыгар уонна социальнай коммуникацияҕа министиэристибэтин аатыттан, «Саха Сирэ» хаһыат дизайнерыгар Олеся Чабыкинаҕа тимирэн эрэр киһини быыһаабыт хорсун, үтүө быһыытын иһин махтал суругу туттардым. От ыйыгар Олеся көмө ыҥырар хаһыыны истээт, толкуйдуу барбакка, ууга ыстаммыта. Кини күүстээх сүүрүктээх ууга бэйэтин олоҕор куттал суоһаабытын да иһин, кэрэ аҥары кытылга таһаарбыта. Мин бэйэм эмиэ итинник быһаарыныылаах түгэни ааспытым, онон ыксаллаах түгэҥҥэ атын киһи олоҕо эн хайдах быһаарынаргыттан тутулуктааҕын бэйэбинэн билэбин. Маннык холобурдары оҕолор, үүнэр көлүөнэ көрөрө-истэрэ улахан суолталаах. Олеся хорсун быһыыта оҕолору эрэ буолбакка, биһигини барыбытын — болҕомтолоох буоларга, кыһалҕалаах кэмҥэ илиини утары уунарга үөрэтэр. Олесяҕа хорсун санаатын, үрдүк сиэрдээх-майгылаах буолуутун иһин, ону сэргэ дьиэ кэргэнигэр, бииргэ үлэлиир дьонугар уонна эдэр көлүөнэҕэ чаҕылхай холобур буолбутун иһин махталбытын тиэрдэбит. Кини соҕотох киһини эрэ буолбакка, бүтүн дьиэ кэргэн дьылҕатын быыһаата. https://max.ru/channel_PetrShamaev