Мин «Үөрэххэ — сүрүн болҕомто: иитии» диэн III үөрэх форумун кыттыылаахтарын эҕэрдэлээт...
Мин «Үөрэххэ — сүрүн болҕомто: иитии» диэн III үөрэх форумун кыттыылаахтарын эҕэрдэлээтим. Бу көрсүһүү саҥа үөрэх дьылын улахан суолталаах саҕаланыыта уонна үөрэх үлэһиттэрин атырдьах ыйынааҕы мунньахтарын биир дьоһун сорҕото буолла. Быйыл биһиэхэ бэлиэ сыл — «Федеральнай оҕо киинэ» ФГБОУ төрүттэммитэ 10 сылын, оттон «Оҕо саас навигатордара» бырайыак олоххо киирбитэ 5 сыла бэлиэтэнэр. Бу кэм устата өрөспүүбүлүкэҕэ «Орлята дошколята диэн бырайыактан саҕалаан орто анал үөрэх кыһаларыгар тиийэ оҕону иитиигэ тиһиктээх үлэ ыытыллан кэллэ. Биһиги министиэристибэбит Саха Өрөспүүбүлүкэтин Үөрэҕин уонна наукатын министиэристибэтин кытары иитиигэ туһуламмыт бырайыактары сайыннарары таһынан, оҕолор уонна ыччаттар бары өттүнэн сайдалларыгар сөптөөх усулуобуйаны тэрийиигэ утумнаахтык үлэлиир. Ол эрэн оҕону кытары үлэни сүрүннуур дьонунан иитиигэ дириэктэрдэр сүбэһиттэрэ, уһуйааннар иитээччилэрэ, учууталлар, муниципальнай куратордар уонна бары педагогтар буолаллар. Эһиги хас биирдии оҕоҕо болҕомтоҕут, күннээҕи сыралаах үлэҕит иһин барҕа махтал! Эһиги үлэҕититтэн биһиги өрөспүүбүлүкэбит кэскилэ быһаччы тутулуктаах, сотору кэминэн оҕолорбут Сахабыт Сирин салгыы сайыннарыахтара турдаҕа. Форум чэрчитинэн «Үөрэххэ — сүрүн болҕомто: иитии» диэн методическай хомуурунньук үһүс таһаарыыта сүрэхтэннэ, бастыҥ уопуттары дьүүллэстибит. Иннибитигэр өссө күүстээх үлэ, уопут атастаһыыта, саҥа идиэйэлэри, инструменнары көрдөөһүн соруга турар. Эһиэхэ барыгытыгар таһаарыылаах үлэни, сонун идиэйэлэри, айар күүрээни баҕарабын! https://max.ru/channel_PetrShamaev