О хождении в полунощную землю Чердынскую
О хождении в полунощную землю Чердынскую В лето 7534 иулия месяца аз худый и многогрешный дьяк Летописнаго Приказа удумах учинити хожение великое во край северный Великия Перми в Чердынскую волость. Пошел есми колесницею своею самоходною от града Перми по Соликамскому пути 200 верст на полунощь, оттоле же еще 100 верст Ныробским трактом и приидох во град древний, зовомый Чердынью, иже на Колве реце. Таможе стекаются три реки великия во едину, имена же тем рекам суть Вишера, Колва и Кама. Во той же земле Чердынской родися нынешний пермский воевода Димитрий Махонин. Бе же прежде земля Чердынская многолюдна вельми, яко полчетверты тьмы народу тамо обреташеся. Ныне же одва полвторы тьмы имает. И видех аз во той земли Чердынской селений множество: овии пусты быша, овии токмо имя свое сохранила на пустынном месте, овии же добры вельми и поныне. А неции от селений сих посетих сугубо, имена же им суть: Чердынь, Покча, Ныроб, Вильгорт, Камгорт, Искор. О них же повем далее сказ свой. Близ же земли Чердынския на восток солнца лежит земля Вишерская, а первый во оной Красный Вишерский городок. Сия же волость Вишерская такожде обезлюдиве гораздо: бе бо прежде зде три тьмы народу, ныне же во оной земли едина тьма да шесть тысящ человек токмо. И стоит близ Краснаго Вишерскаго городка у самой у реки у Вишеры гора вельми дивная, аки стена каменная граду утвержденная. Высоту же имает 150 аршин, а длина две версты без малаго. А зовется гора сия Камень Ветлан. А супротив Ветлана Камня на он пол реки Вишеры о пяти верстах стоит иная гора дивная, прозываемая Полюд. Окрест же леса дремучие на многия сотни верст простираются аки море зеленое. На том же Ветлан-камне содеях аз изографии светописныя, кои ко грамотке сией прилагаются.