В 15 веке у Великого Московского князя не было "Орешника", поэтому громить Киев он отпр...
В 15 веке у Великого Московского князя не было "Орешника", поэтому громить Киев он отправлял Крымского хана. О взятии града Киева от царя Крымскаго. В лѣто 6991 (1482). Грѣх ради наших не пощади образа своего и святых таин и попусти богъ безбожнаго царя Минли Гирея Ачи Гиреева сына, со многими силами совокупився и поиде на Литовскую землю къ славному граду Киеву. Во граде же тогда намѣстник и воевода Иван Хотькович. Прииде к нему вѣсть за 4 дни, что царь идет ис Перекопи на Киевъ. Он же осаду осади, и збегошася во град многие люди, из манастыря ис Печерского изыде игумен со всѣми старцы во град и казну Пречистыя и сосуды священныя во град же снесе. И прииде царь под град на Семен день лѣтопроводца, в первый час дни, изряди полки и приступи ко граду, и оступи град круг. И божиим гнѣвом, нимало не побився, град зажже, и погорѣша людие вси и казны. И мало тѣх, кои из града выбегоша, и тѣх поимаша, а посад пожгоша и ближние села. По далним же вою не розпущаше и прочь поиде во свою Орду.