В 2026 году исполнилось 630 лет со дня упокоения святого Стефана, первого епископа Перм...
В 2026 году исполнилось 630 лет со дня упокоения святого Стефана, первого епископа Пермского. Святитель Стефан оставил глубокий след в жизни Руси не только распространением христианства среди пермян, но и водворением между ними русского просвещения и начал общественной и гражданской жизни. Он был одним из тех иерархов Русской Церкви, которые в тесном союзе с Московской государственной властью заложили твердые основы для объединения раздробленной и разбитой Руси и для укрепления государства на новых началах. Просветительскими трудами святителя Стефана северо-восточные земли Русской равнины были приобщены политически и духовно к Московскому государству. По справедливости он может быть причислен к собирателям и строителям земли Русской. Сказание о Стефане Пермском из Лицевого летописного свода. "О епископе Стефане Пермьском. Тое же весны (6904/1396), апреля 26, преставися епископ Пермьский Стефан и положен высть на Москве в монастыре у святаго Спаса в застенке, в Спасе Милостивом; о нем же мало нечто изреку. Сей бе рожден и воспитан во граде Юстюзе, отца же бе именем Семиона, клиросника сущиа соборныя церкви на Устюзе, мати же бе ему Мария. Такоже и грамоте научися и потом, еще ун сый, и пострижеся во иноческий образ. Посем же от Арсениа, епископа Ростовскаго, в диаконы поставляется, от Герасима же, епископа Коломеньскаго, в попы совръшается. Посем же изучися греческу языку и грамоте, таже научися прьмьскому языку и азбуквы сложи пермьским языком, и книги переведе на пермьский язык; сея же пермьскиа грамоты от века не бывало. И бысть ему желание ити в Пермь учити люди некрещеныя и взем благословение от святителя и помолися Богу, учаше люди некрещеныя, вшед же в Пермь, яко овця посреди волк. И учаше вере Христове и обращая их от идолослужениа, крещаше во имя Отца и Сына и Святаго Духа, а кумиры их скрушая, огнем пожигаше. Многих же крести, яко до тысящи душь. И сперва же многа озлобления и раны и гонения претерпе от них, по неколице же времене поставлен бысть от Пимена митрополита епископом в Пермь. И шед опять в Пермь и некия от них и грамоте изъучи пермьской, и поставляше попы и дьяконы, и церкви ставляше, и славляше в них Бога прьмьским языком. И бе чюдно видети в земли той, идеже преже бе идолослужение и бесом угожение, от начала миру молящеся идолом, солнцу, огню, воде, камению, древию, волом, козам, и кудесником, и волхвом, и золотой бабе. А се имена живущим около Перми землям и странам и местом иноязычным: двиняне, устюжане, виляжане, вычажане, пеняжане, южане, серояне, ганяне, вятчяне, лопь, корела, югра, печера, вогуличи, самоядь, пертасы, перьмь великая, гамаль чюсовая. Река же первая, именем Вым, впаде в Вычегду. Другая река Вычегда обходящи всю землю Пермьскую потече в сиверскую страну и впаде во Двину межи Устюга 40 верст. Река же третья Вятка потече з другую страну Перми и вниде в Каму реку. Сия же река Кама обходящи всю землю Пермьскую, по сей реце мнози языцы седят, и потече на юг в землю Татарьскую, и впаде в Волгу реку ниже Казани шестьдесят верст. Ныне же, в последнее время седмыя тысящи (т.е. 6900-е гг), на остаточном сте, Благочестие просиа и богоразумиа явися и вера Христова процвете. Слышавши же сие православнии христиане прославиша Бога. Поистинне бо достоит радоватися, якоже сама истинна в Евангелие рече: «Бывает радость на небеси о единем грешнице кающемся». Се же не един, ни два, но вся земля Пермьская просветися учением добраго пастыря и Божия святителя Стефана. Егда же приспевшю уже концу жития его и в то время прилучися ему ити на Москву к митрополиту Киприяну о церковных делех, и не мало дни поболев, преставися к Богу. Добре упас Богом порученное ему стадо и вся исправив церковная и законная правила, еже во иночестве и еже во священничестве и в учительстве. В епископьстве же пребысть 12 лет, подражатель быв святых апостол, и ныне со святители предстоя престолу Христову, молится о стаде своем и о всем мире со всеми святыми и угодившими Богу".