Замечательный подписчик @pryanayayakutia: — 26 июля 2026 г. в 13:15:50.865
Замечательный подписчик @pryanayayakutia: *ҮӨЬЭЭТТЭН АЛЛАРААТТАН ХАРЫЫТА СУОХ ДОХСУН АРДАХТАР УУЛАРА СУОРДААХ СИРИН- УОТУН СИҤНЭРЭЛЛЭРИГЭР ТИИЙДИЛЭР, СИМЭЛИТЭЛЛЭРИГЭР ТИЭРТИЛЭР!* ТөҺө да5аны балаҺыанньабыт дойдубут үрдүнэн ханна да5аны бүрүүкээбит уустуктар турбуттарын иҺин *ТӨЛКӨЛӨӨХ, ТӨРӨӨБҮТ ТӨРҮТ БУОРБУТ , ӨБҮГЭБИТ ОЛОРОН ААСПЫТ* ,*КЭРИЭС-ХОМУРУОС ТЫЛЫН ЭППИТ ЫТЫК СИРБИТ- СИИК БУОЛАН СИМЭЛИЙЭРИГЭР* , *СУОРДААХПЫТ СУОЛТАТА* *СУУРАЛЛАРЫГАР* *ТИИЙДЭ!* Ханна да буоларын курдук ,халаан уута тахса турар, уу таҺыма ардах уутуттан эбиллэн кэлэ турар. Ол эрэн дииргэ тиийиллэр , Суордаах нэҺилиэгэ төҺө да а5ыйах ахсааннаах дьон олортун иҺин, дьиэтин- уотун ,төрөөбүт дойдутун быра5ан туран "атах балай барарга" ким да5аны хаҺан да5аны бэлэмэ суох буолар ! Бу сыллар устатын тухары уу ылла ини ылбата ини , ол тухары дьон үйэлэргэ олохсуйбут төрүт түөлбэлэриттэн ханнык да5аны балаҺыанньа5а барытын быра5ан баран хаалыахтара диэн өйүм хоппот! Бу маннык түгэҥҥэ норуот биир эйэннэн- сүбэннэн тылын холбоон, санаатын ууран , туох эмит дьаҺал ,кыаллар буолла5ына *үрдүкү салалта өттүттэн хайаан да5аны булгу көмө- харалта ылар кэмнэрэ уолдьаста дии саныыбын!* От ыйын 26 күнүгэр уу таҺымын куоҺаран нэҺилиэги көрдө көрбүтүнэн, номнуо иккис төгүлүн өссө улахан таҺымнаах уу кутуллан хара буордаах дьалкыйан киирбитэ ,бэл ыраахтан хаартыска омоонуттан көрдөххө - дьулаан көстүү! Бу манна дьоннор олороллор эбээт! СүөҺү - сылгы тутаннар, о5о- уруу төрөтөннөр, ыал - куус буоланнар , инникигэ эрэллээх, кэскилгэ көх- нэм буолар Суордаа5ым дьонун хорсун санааларын, Төрөөбүт Дойдуларыгар тиҺэ5эр тиийэ- Сүүнэ бэриниилээхтэрин аҺары сө5өбүн! Сайыммыт үтүөтэ үрдүбүтүттэн тохтообокко тохтор ардах быыҺыгар номнуо бүтэн эрэр. Дьон буоллар өлөр- тиллэр икки ардынан халаан уутун кытары охсуҺаллар! Дьиэлэрин,малларын- салларын, астарын- таҥастарын олоччу былдьаттылар! СүөҺүлэрин- сылгыларын дьыл5атын киҺи этэ да барбат... Оттуур ходуҺалар хоромньуларын, халтайга хаалларбыт хаарыан күөхтэрин аны бу кыстык кэлиэр ,хаар түҺүөр дылы, ытыс соттон хаалар буоллулар! Аны, хайдах дьаҺанан ,хантан өрүҺүлтэ ылан бу нэҺилиэк киҺи- хара буоларый?!. КиҺи өйүгэр баппат адарайдаах уу алдьархайа , нэмнэринэн олорбут уу нуурал чуумпулара ыҺыллан, уйул5алара хамсаан , аны хаҺан оннуларын булан уоскуйуохтарыгар дылы - Туох дьаҺаллары эрэйиэхтэрэй диэн ,сэрэйбит да биир, билбит да биир! * *ЫКСАЛЛААХ *БЫЬЫЫНЫ- МАЙГЫНЫ ТУТАТЫНА БИЛЛЭРЭ ОХСОН, ҮРДҮКҮ САЛАЛТА ТАЬЫМЫГАР УТАЛЫППАККА ТИЭРДЭН* , дьон- норуот өттүттэн эрэ көмөнү эрэйбэккэ, бу айылаах улахан сут уута бүрүүкээбит кэмигэр бука бары бииргэ ылсан - өйөҺөн эйэлээх сүбэлэрин салалтаны кытары бииргэ буоллахпытына эрэ туох эмит дуоннаах хамсааҺын тахсыа5ар саба5алыыгын! *Сибилин, субу кэмҥэ ууларын таһыма биир- кэм тохтоло суох кутулла турар! Дьон- сэргэ, о5о- уруу оло5ор кутталлаах быҺыы- майгы үөскээтэ*! *ҮРДҮКҮ САЛАЛТА БААР БУОЛЛА5ЫНА!* *КӨРӨР ХАРАХТААХ ИСТЭР КУЛГААХТААХ, ЫАЛДЬАР СҮРЭХТЭЭХ АЙЫЫМ ДЬОНО БАРАХСАТТАР!* Суордаах нэҺилиэгиттэн төрүттээх бука бары бар дьоммут! Бу айманыы уонна Ыҥырыы суругу туҺааннаах сирдэргэ суҺаллык утаарарга күҺэллэ сатааҥ! Бука бары сирдээх- уоттаах, төрөөбүт түөлбэлээх , дьиэлээх- уоттаах , аҺыныгас санаалаах амарах сүрэхтээх Айыы дьоно буоллахпыт! *УЛУУС САЛАЛТАТЫН ӨТТҮТТЭН ЫКСАЛЛААХ БЫЬЫЫНЫ- МАЙГЫНЫ УТАЛЫППАККА БИЛЛЭРЭ ОХСОН* дьон оло5ор аҺары охсуулаах кытаанах ытарчатыттан быыҺыырга уталыппакка хамсаммахтыы сатаатахха таҥара5а махтал буолуох этэ! Суордаах нэҺилиэгиттэн төрүттээх Стручкова Г.С.- *ТАБАЙААНА* Арассыыйа суруналыыстарын сойууҺун чилиэнэ. "ДЬААҤЫ ААРТЫГА" хаҺыат уопсастыьаннай кэрэспэдьиэнэ . 26.07.26.