❇️ Икона Божией Матери «Умиление» Псково‑Печерская является списком Владимирской иконы ... — 8 сентября 2026 г. в 04:15:01.994
❇️ Икона Божией Матери «Умиление» Псково‑Печерская является списком Владимирской иконы Пресвятой Богородицы. ▫️Молитва пред иконой Пресвятой Богородицы «Умиление» Псково-Печерской. О, Преблагословенная Дево Богородице Владычице! Мати всех страждущих и болезнующих сердцем! Страны нашея и града Защитнице! Обители Псково-Печерския красото и славо! Призри на нас смиренных, обремененных грехи многими, отягченных скорбьми и печалями и с сокрушением и слезами взирающих на пречистый лик Твой, в чудотворней иконе явленный. Сохрани от всякаго зла святую обитель сию, юже преподобный Корнилий со старцы Марком и Ионою Тебе вручи, и всех в вере и надежде подвизающихся в ней. Спаси и град сей, и вся люди, правоверно живущия и к Тебе прибегающия, от нашествия иноплеменных, от всякаго страха и труса, от мора и глада, от злых человек и всяческия скорби. Приникни к нам милосердием Твоим, яко ликом Твоим Божественным любезно приникла еси к ланите Богомладенца. Согрей нас дыханием Твоея любве и никогдаже отступай от нас, ни в сей жизни, ни в будущей, да, чающе Твою всесильную Материнскую помощь, сподобимся безбедно дойти вечныя жизни и прославляти Небеснаго Отца и Сына и Святаго Духа, в Троице славимаго Бога, во веки веков. Аминь.