Махталбытын тиэрдэбит💫 — 10 июля 2026 г. в 07:20:10.890
Махталбытын тиэрдэбит💫 ✨ Доруобуйаларыгар хааччахтаах оҕолору реабилитациялыыр кииҥҥэ биһиги дьиэ кэргэн төрдүс сылбытын, ыраах Орто-Халыма куоратыттан кэлэн, бэс ыйын 18 күнүттэн от ыйын 9 күнүгэр диэри стационарга сытан дьарыктанан, эмтэнэн таҕыстыбыт👍🏻 📋 Кииҥҥэ киирээти кытта медрегистратор Айталина Афанасьевна куруук күлэн мичийэн көрсөрүттэн күүспэр күүс, сэниэбэр сэниэ эбиллэр. Кини хас биирдии кэлбит төрөппүккэ сүбэлээн-амалаан биэрэриттэн киһи сүргэтэ көтөҕүллэр. 🍀 Уолум Ярик доруобуйата кыратык да чөл буоларын туһугар төһүү күүс буолан сыраларын уурбут киин бары үлэһиттэригэр ийэлии сайаҕас махтал тылларбын анаатаҕым буоллун! Эһиги баар буолан, оҕолорбут инникигэ эрэллэрэ үрдүүр👍🏻 👦🏻 Оҕом Ярик төрдүс сылын кэлэн барбытыттан сүрдээҕин диэн үөрэн-көтөн таҕыста👏🏻 Элбэх саҥаҕа үөрэннибит, элбэх саҥаны биллибит. Реабилитационнай киин ыытар араас тэрээһиннэригэр көхтөөхтүк кыттан сүргэтэ сүрдээҕин көтөҕүлүннэ. Элбэх саҥа доҕоттордоннубут. Сыралаах үлэҕит сыаналана турдун, Таһаарыылаах үлэҕит табылла туруохтун, Дьиэ кэргэҥҥитигэр ил-эйэ эрэ тосхойдун. Аҕыс Айыыһыттаргыт эҥэрдэһэ, Сэттэ Иэйиэхситтэргит арчылыы, Араҥаччылыы турдуннар. Орто-Халыматтан Алёна, Ярик Дьячковтар❤️